បរទេស៖ Juan Mata នឹងចាកចេញពីក្រុមបិសាចក្រហម Man. United លើការផ្ទេរដោយគ្មានតម្លៃខ្លួននៅពេលដែលកិច្ចសន្យារបស់គាត់ផុតកំណត់នៅ Old Tafford នាខែមិថុនា ២០២២ នេះ។
ខ្សែបម្រើវ័យ ៣៤ ឆ្នាំដែលបានជួយអេស្បាញឈ្នះ World Cup ឆ្នាំ ២០១០ បានចូលរួមជាមួយ Man Utd ពីក្រុម Chelseaក្នុងតម្លៃកំនត់ត្រាក្លឹប ៣៧.១លានផោន ក្នុងឆ្នាំ២០១៤ ។Mata ដែលស៊ុតបញ្ចូលទីបាន ៥១ គ្រាប់ក្នុងការបង្ហាញខ្លួន ២៨៥ ប្រកួតនិងលេងនៅលីកកំពូលអង់គ្លេសបាន៧លើកកាលពីរដូវកាលមុន។ កាលពីថ្ងៃពុធក្រៅពី Mata នៅមានកីឡាករ២រូបផ្សេងទៀតដែលលេងនៅតំបន់ខ្សែបម្រើមានដូចជាៈ Paul Pogba និង Jesse Lingard ក៏នឹងចាកចេញពី ក្រុមជើងឯកអង់គ្លេស២០សម័យនៅពេលជាមួយគ្នានេះផងដែរ។
Man.Utd បានសរសេរនៅលើគេហទំព័រផ្លូវការណ៏របស់ក្លឹបថា សូមអរគុណចំពោះការលះបង់រយៈពេលប្រាំបីឆ្នាំនៃអាជីពរបស់អ្នកជាមួយMan.Utd អ្នករាល់គ្នានៅក្លឹបសូមជូនពរឱ្យអ្នកមានសំណាងល្អសម្រាប់អនាគត។ Mata ដែលបានយល់ព្រមបន្តកុងត្រារយៈពេលមួយឆ្នាំជាមួយ Man Utd កាលពីខែកក្កដាឆ្នាំមុន បានឈ្នះពានរង្វាន់ចំនួន ៤ មានដូចជា FA Cup ក្នុងឆ្នាំ ២០១៦ និង Community Shield, League Cup និង Europa League ក្នុងរដូវកាល ២០១៦-២០១៧ ៕
ប្រភពព័ត៍មាន៖ BBC
