បរទេស៖ ក្លឹបកំពុងលលេងនៅលីកលំដាប់ទីពីរអង់គ្លេស Cardiff City កំពុងបង្កើនកិច្ចខិតខំប្រឹងប្រែងរបស់ពួកគេដើម្បីចុះហត្ថលេខានាំយកប្រធានក្រុមជម្រើសជាតិវេល Gareth Bale មករួមក្រុម។
ប្រធានគ្រប់គ្រងក្លឹបរហស្សនាមបក្សីខៀវ លោក Mehmet Dalman បានធ្វើដំណើរមកដល់ចក្រភពអង់គ្លេស ដើម្បីបន្តដឹកនាំការចរចានេះ។ ទោះយ៉ាងណាកីឡាករ វ័យ ៣២ ឆ្នាំបច្ចុប្បន្នគឺ អាច ផ្ទេរទៅកាន់ក្លឹបដទៃដោយគ្មានតម្លៃខ្លួន បន្ទាប់ពីចំណាយពេល៩ឆ្នាំ លេងអោយក្រុម Real Madrid នៅក្របខណ្ឌ La Liga ដោយបានឈ្នះពានរង្វាន់ Champions League ចំនួន ៥ ដង។
គួររំលឹកថាកាលពីថ្ងៃអាទិត្យ ការទាត់បាល់ហ្វ្រីឃីករបស់Bale បានជួយឲ្យវែលទទួលជ័យជម្នះ ១-០ លើអ៊ុយក្រែន និងទទួលបានកៅអីមួយទៅលេងនៅព្រឹត្តការណ៏ ប្រកួត World Cup ២០២២ក្នុងប្រទេសកាតានៅខែវិច្ឆិការ ២០២២ខាងមុខនេះ។ ទោះយ៉ាណាការត្រលប់ទៅកាន់អតីតក្លឹប Tottenham ឬផ្លាស់ទៅលេងនៅក្របខណ្ឌកំពូលសហរដ្ឋ អាមេរិក Major League Soccer នៅតែជាជម្រើសក្នុងការពិចារណាដែលខ្សែប្រយុទ្ធស្លាបរូបនេះចង់បញ្ចប់អាជីពរបស់ខ្លួន៕
ប្រភពព័ត៍មាន៖ BBC