បរទេស៖ Liverpool បានយល់ព្រមលក់កីឡាករអន្តរជាតិជប៉ុន Takumi Minamino ទៅឱ្យ Monaco ក្នុងតម្លៃ១៨ លានអឺរ៉ូ។ក្រុមដែលកំពុងមានវត្តមាននៅក្របខណ្ឌ Ligue ១ជាក្លឹបដែលបានចាប់អារម្មណ៍ចង់នាំយកកីឡាករ វ័យ ២៧ ឆ្នាំដែលបានផ្ទេរពី Red Bull Salzburg របស់អូទ្រីសមកកីឡាដ្ឋានAnfield ក្នុងតម្លៃ ៧.២៥ លានផោនក្នុងឆ្នាំ ២០២០ ។
Minaminoរកបានគ្រាប់បាល់ច្រើនបំផុតគឺ ១៤គ្រាប់ក្រោយបង្ហាញខ្លួន៥៥ប្រកួតសម្រាប់Liverpool និងជាគ្រាប់បាល់ដែលរកបានច្រើនបំផុតសម្រាប់ការប្រកួតលីកក្នុងស្រុក។ហើយកាលពីរដូវកាលមុន គ្រាប់បាល់ទាំងប្រាំពីរគ្រាប់របស់ Minamino គឺបានជួយអោយលោក Jurgen Klopp ឈ្នះពាន FA Cup និង League Cup។
ទោះយ៉ាងណាMinamino បង្ហាញខ្លួនត្រឹមតែ១១ លើកប៉ុណ្ណោះនៅក្របខណ្ឌ Premier League ខណៈ Liverpool បានបញ្ចប់រដូវកាលដោយមានគម្លាតមួយពិន្ទុពីក្រុមម្ចាស់ជើងឯក Manchester City ។ Minamino ក៏ធ្លាប់បានលេងខ្ចីជើងអោយ Southampton សម្រាប់រដូវកាល ២០២១-២០២២ ផងដែរ។រីឯខ្សែប្រយុទ្ធសញ្ជាតិសេណេហ្គាល់ Sadio Mane ក៏ខិតកាន់តែកៀកក្នុងការផ្លាស់ទៅ Liverpool បន្ទាប់ពីក្លឹប បានយល់ព្រមលើតម្លៃខ្លួន ៣៥.១ លានផោន សម្រាប់កីឡាករអន្តរជាតិសេណេហ្គាល់វ័យ ៣០ ឆ្នាំ ពោលគឺបន្ទាប់ពីLiverpool ទិញខ្សែប្រយុទ្ធអ៊ុយរូហ្គាយ Darwin Nunez ពី Benfica ក្នុងតម្លៃ ៦៤ លានផោន។