បរទេស៖ ក្រុមបិសាចក្រហម Man. Utd បានដាក់ដេញថ្លៃជាទឹកប្រាក់ចំនួន៦០លានយូរ៉ូ សម្រាប់ខ្សែប្រយុទ្ធ Ajax កីឡាករ Antony ។ទោះយ៉ាងណាការតម្លៃខាងលើនេះគឺពិតជាមិនបានធ្វើអោយក្រុមជើងឯកហូឡង់ចាប់អារម្មណ៏ពិចារណា លើសំណើរខាងលើនេះទេក៏ព្រោះតែពួកគេចង់បានថ្លៃខ្លួនប្រេស៊ីលរូបនេះរហូតដល់ទៅ៨០លានយូរ៉ូឯណោះ យោងគេហទំព័រ Goal បានចុះផ្សាយ។
ប្រភពខាងលើបន្តថា ភ្នាក់ងាររបស់Antony បាននិងកំពុងដាក់សម្ពាធដល់ក្រុម Ajax អោយទទួលយកតម្លៃខ្លួនដែលទាបជាងការទាមទាររបស់ពួកគេ ដើម្បីកូនក្រុមរបស់ខ្លួនមានឪកាសផ្លាស់ទៅកាន់ទឹកដី Old Trafford មុនពេលទីផ្សារដោះដូរកីឡាករបិទបញ្ចប់ជាលើកទី១។
គួរបញ្ជាក់ថាគ្រូបង្វឹកអចិន្រ្តៃយ៏ថ្មីរបស់ Man Utd លោក Erik Ten Hag មានបំណងចង់ជួបជុំជាមួយអតីតកូនក្រុម ដែលជាកីឡាករឆ្នើមធ្លាប់បង្ហាញទម្រង់លេងលេចធ្លោដោយស៊ុតបញ្ចូលទីបាន២២គ្រាប់ និង Assist បាន២០ដង ក្រោយបង្ហាញខ្លួន៧៨ប្រកួត បន្ទាប់ពីចូលរួមជាមួយពួកគេពីក្រុមSao Paulo ក្នុងខែសីហាឆ្នាំ ២០២០៕
ប្រភពព័ត៍មាន៖ Sportsmole
