បរទេស៖ យោងតាមសារព័ត៌មាន The Athletic បានឱ្យដឹងថា Barcelona បានបង្កើនសម្ពាធដល់ Frenkie de Jong ថារូបគេគួរតែសម្រេចចិត្ត ចូលរួមជាមួយ Man. United នៅរដូវក្តៅនេះ។
ថ្មីៗនេះ Man.Utd បានយល់ព្រមលើតម្លៃផ្ទេរ ៧៥ លានអឺរ៉ូសម្រាប់ Frenkie de Jong ដែលរួមទាំងផលប្រយោជន៏ផ្សេងទៀត១០ លានអឺរ៉ូ។ ទោះយ៉ាងណាខ្សែបម្រើរូបនេះនៅតែស្ទាក់ស្ទើរក្នុងការចាកចេញពី Barcelona ដោយសារហេតុផលជាច្រើន។ ហើយចំនុចសំខាន់ដែលអតីតយុវជនក្លឹបAjax មិនមានបំណងផ្លាស់ទៅ Old Trafford គឺក្រោយ ពីក្លឹប គ្មានឱកាសលេងនៅក្របខណ្ឌ Champions League ។
ទោះបីបង្កើនការចរចារដោយ Man. United បានបញ្ជូនក្រុមការងារទៅជួបពិភាក្សាជាមួយថ្នាក់ដឹកនាំ Barcelona ទោះបីជាយ៉ាងណា ក្លឹបយក្សអេស្ប៉ាញមួយនេះ នៅតែជំពាក់ប្រាក់ De Jong ១៧ លានអឺរ៉ូក្នុងការបង់ប្រាក់ពន្យារ ដែលជាហេតុផលមួយទៀត ដែលធ្វើ អោយគាត់ស្ទាក់ស្ទើរក្នុងការចាកចេញ។Barcelona ត្រូវបានគេយល់ថាស្ថិតក្នុងស្ថានភាពហិរញ្ញវត្ថុដ៏ល្អក់កករ ហើយមិនអាចចុះបញ្ជីកីឡាករថ្មីរបស់ពួកគេដោយមិនលក់ De Jong ឡើយ។ នេះរួមបញ្ចូលទាំងខ្សែបម្រើស្លាបរបស់ Leeds United កីឡាករ Raphinha ដែលបញ្ចប់ការផ្ទេររួចរាល់មកCamp Nou គឺ ចាំបាច់ពឹងផ្អែកលើការលក់De Jong ទៅឱ្យMan. United ៕
ប្រភពព័ត៍មាន៖ Sportskeeda