បរទេស៖ ក្លិប Barcelona កំពុងតែព្យាយាមបញ្ចេញសាច់ដុំចំពោះការព្យាយាមរបស់ក្លិប Chelsea ក្នុងការចុះហត្ថលេខាជាមួយនឹងខ្សែការពារ Jules Kounde ពីក្លិប Sevilla។
ក្លិប Chelsea បានបន្តធ្វើការពិភាក្សានានាជាមួយនឹងក្លិប Sevilla នៅសប្តាហ៍នេះ និងកំពុងតែខិតយ៉ាងប្រកៀកក្នុងការឈានដល់ការព្រមព្រៀងគ្នាលើតម្លៃខ្លួនជាគោលចំនួន៥៥លានផោន (ស្មើនឹង៦៦លានដុល្លារអាមេរិក) ដើម្បីនាំយក Kounde។ ប៉ុន្តែ ទោះបីជាយ៉ាងណា ក្លិប Barça ក៏ចាប់អារម្មណ៍ទៅលើខ្សែការពារអន្តរជាតិបារាំងរូបនេះផងដែរ និងអាចដាក់ដំណើទិញរូបគេ ប្រសិនបើពួកគេអាចលក់ពាណិជ្ជកម្មលើអាវរបស់ពួកគេបាន។
Kounde ដែលបច្ចុប្បន្ន បានស្នើសុំចូលរួមក្នុងដំណើរការប្រកួតមុនបើករដូវកាលរបស់ Sevilla នៅប្រទេសព័រទុយហ្គាល់ ក្រោយពីមានការសម្រេចចិត្តឲ្យរូបគេបន្តនៅប្រទេសអេស្ប៉ាញ និងហ្វឹកហាត់ម្នាក់ឯងនោះ ត្រូវបានគេជឿជាក់ថា បើកចំហរឲ្យមានការផ្ទេរទៅកាន់ក្លិប Chelsea ឬ Barcelona។ គេយល់ឃើញថា កីឡាករវ័យ២៣ឆ្នាំរូបនេះ បានយល់ព្រមលើលក្ខខណ្ឌផ្ទាល់ខ្លួនរួចរាល់ហើយ លើកិច្ចសន្យារយៈពេល៥ឆ្នាំ ជាមួយនឹងក្លិប Chelsea ដែលចង់បានខ្សែការពារ៣នាក់៕
ប្រភពព័ត៌មាន៖ The Guardian
