បរទេស៖ Barcelona បានព្រមព្រៀងលើការចុះហត្ថលេខានាំយកខ្សែការពារកណ្តាលសញ្ជាតិបារាំង Jules Kounde ពី Sevilla ក្នុងតម្លៃផ្ទេរប្រមាណ៥០លានអឺរ៉ូស្មើនិង (៤១.៨៥លានផោន) ។ ទោះយ៉ាងណាក្រុមអ្នកមានបុណ្យកំពុងដំណើរការពិនិត្យសុខភាព សម្រាប់កីឡាករ វ័យ ២៣ ឆ្នាំរូបនេះមុនបញ្ចប់ការផ្ទេរមកកាន់ទឹកដីCamp Nou ក្នុងពេលដ៏ខ្លីខាងមុខ។
Kounde ធ្លាប់បានបង្ហាញខ្លួនអោយក្រុមមាន់គកបារាំងរបស់លោកDidier Deschamp សរុបចំនួន១១ដងកន្លងមក គិតចាប់តាំងពីការបង្ហាញខ្លួនលើកដំបូង ក្នុងឆ្នាំ ២០២១ និងបានចូលលេងក្នុងជ័យជម្នះ ២-១ របស់បារាំងទល់នឹងអេស្ប៉ាញក្នុងការប្រកួត Nations League វគ្គផ្តាច់ព្រ័ត្រកាលពីឆ្នាំមុន។ ថ្មីៗចុងក្រោយនេះក៏មានទំនាក់ទំនងក្នុងការ ផ្លាស់មកកាន់ក្រុមតោខៀវ Chelsea ផងដែរ។Kounde ធ្លាប់បង្ហាញខ្លួនចូលលេងបាន១៣៣ប្រកួតឱ្យ Sevilla និងបានជួយពួកគេឈ្នះពានរង្វាន់ Europa League ក្នុងរដូវកាលដំបូងក្រោយផ្ទេរពី Bordeaux ក្នុងឆ្នាំ ២០១៩ ។
ការមកដល់របស់ Koundeនិងក្លាយជាសមាជិកថ្មីទី៥បន្ទាប់ពីខ្សែប្រយុទ្ធអន្តរជាតិប៉ូឡូញ Robert Lewandowski ផ្ទេរពី Bayern Munich ក្នុងតម្លៃ ៤២.៦ លានផោន ហើយ ខ្សែបម្រើស្លាបប្រេស៊ីល Raphinha ផ្ទេរពី Leeds ក្នុតម្លៃ ៥៥ លានផោន។ខណៈខ្សែបម្រើសញ្ជាតិកូតឌីវ័រ Franck Kessie និងខ្សែការពារសញ្ជាតិដាណឺម៉ាក Andreas Christensen ក៏បានចូលរួមជាមួយក្រុមលោក Xavi ដោយគ្មានតម្លៃខ្លួនពី ក្លឹប AC Milan និង Chelsea ស្របពេលខ្សែបម្រើស្លាបបារាំង Ousmane Dembele បានចុះកិច្ចសន្យាថ្មីបន្តលេងអោយក្លឹប៕
ប្រភពព័ត៍មាន៖ BBC
