បរទេស៖ Willian អតីតខ្សែបម្រើស្លាបរបស់ក្រោមតោខៀវ Chelsea និងកាំភ្លើងធំ Arsenal ត្រៀមនឹងវិលត្រលប់មកលេងនៅ ក្របខណ្ឌ Premier League វិញជាមួយក្លឹប Fulham នៅក្នុងពេលដ៏ខ្លីខាងមុខនេះ។
យោងតាមការចុះផ្សាយរបស់គេហទំព័រប្រេស៊ីល El Gobo បានចុះផ្សាយថាក្លឹបដែលទើបតែឡើងមកលេងនៅក្របខណ្ឌ Premier League ហើយមានមូលដ្ឋាននៅទីក្រុងឡុងដ៏មួយនេះខិត ជិតឈានដល់កិច្ចព្រមព្រៀងផ្ទេរកីឡាករអន្តរជាតិ ប្រេស៊ីលរូបនេះមកកាន់កីឡាដ្ឋាន Craven Cottage ហើយ បន្ទាប់ពីរូបគេ បានចាកចេញពី Arsenal ហើយ វិលត្រលប់ទៅចូលរួមជាមួយក្លឹបយក្សនៅស្រុកកំណើតគឺ Corinithians កាលពី ១២ខែមុន ។ ទោះយ៉ាងណាបន្ទាប់ពីក្រុមធ្លាក់ចេញពីព្រឹត្តការណ៏ប្រកួត Copa Libertadores រួចមកWillian មានបំណងចង់ចាកចេញ ទៅរកការប្រកួតប្រជែងថ្មីបន្តទៀត៕
ប្រភពព័ត៍មាន៖ Sportsmole