បរទេស៖ Juventus បានច្រានចោលឱកាសក្នុងការផ្ទេរយកខ្សែបម្រើ Mesut Ozil ពីក្រុមកាំភ្លើងធំ Arsenal ដោយគ្មានតម្លៃខ្លួននៅពេលទីផ្សារដោះដូរកីឡាករនិងបើកជាលើកទី២នៅខែមករា ២០២១ខាងមុខនេះ។
គេហទំព័រអ៊ីតាលី Tuttosport បានអះអាងថាក្រុមការពារតំណែងជើងឯកអ៊ីតាលីធ្លាប់បានត្រៀមផ្ទេរយកOzil ដោយផ្តល់ប្រាក់ឈ្នួលពាក់កណ្តាលនៃតម្លៃពលកម្មដែលខ្លួនរកបានជាមួយ Arsenal ក្នុង១សប្តាហ៏ដល់ទៅ ៣៥០០០០ ផោននោះ។ អតីតខ្សែបម្រើក្រុមជម្រើសជាតិអាឡឺម៉ង់ មិនបានបង្ហាញខ្លួនចូលលេងចាប់តាំងពីខែមិនាក្រោមការដឹកនាំរបស់អ្នកចាត់ការទូទៅសញ្ជាតិអេស្បាញ Mikel Arteta ត្រូវបានជាប់គាំងហើយក៏ មិនត្រូវបានរំពឺងថារូបគេនិងត្រូវវិលត្រលប់មកបង្ហាញខ្លួននៅខែមករាស្របពេលកិច្ចសន្យារបស់ខ្លួនមានជាមួយក្លឹប៦ខែទៀតនិងអស់សុពលភាព។
ក្រៅពី Juventus មានក្លឹបយក្សតួគី Fenerbahce និង ក្លឹបនៅលីកកំពូលសហរដ្ឋអាមេរិក MLS ចាប់អារម្មណ៏បើកការចរចារចង់ផ្ទេរយកខ្សែបម្រើវ័យ ៣២ ឆ្នាំរូបនេះទៅរួមក្រុមជាមួយពួកគេផងដែរ៕
ប្រភពព័ត៍មាន៖ Sportsmole
