បរទេស៖ វីរបុរសរបស់ក្លឹបបិសាចក្រហម Manchester United លោក Paul Scholes ជម្រុញអោយ Jack Grealish ចាកចេញពីក្លឹប Aston Villa ប្រសិនបើគេមានបំណងចង់អភិវឌ្ឃន៍ខ្លួនឯងអោយទៅជាកីឡាករកំពូល។
កីឡាករវ័យ២៥រូបនេះគឺបង្ហាញទម្រង់លេងរបស់ខ្លួនបានយ៉ាងល្អនៅរដូវកាលនេះក្រោមការដឹងរបស់លោក Dean Smith ដោយរូបគេអាចរកបាន៦គ្រាប់ និងបញ្ជូនបាល់អោយមិត្តរួមក្រុមទាត់បញ្ចូលទីដល់ទៅ១២ដងក្នុងក្របខណ្ឌ Premier League ហើយទន្ទឹមនឹងនេះដែលរូបគេនៅតែបន្តមានពាក្យចរចាមរាមខ្លាំងថារូបគេនឹងចូលរួមជាមួយនឹងក្លឹប Manchester United។ Grealish ទើបតែចុះកុងត្រាថ្មីជាមួយនឹងក្លឹប Aston Villa ដោយកុងត្រាបច្ចុប្បន្នមានសុពលភាពដល់ឆ្នាំ២០២៥ឯណោះ ប៉ុន្តែទោះបីជាយ៉ាងណា Paul Scholes ជឿជាក់ថាខ្សែបម្រើប្រយុទ្ធរូបនេះត្រូវតែបង្ហាញខ្លួនក្នុបក្របខណ្ឌ UEFA Champions League ប្រសិនបើគេមានបំណងចង់បង្ហាញបង្ហាញគុណសម្បត្ដិពិតរបស់ខ្លួន។
ថ្លែងក្នុង Optus Sports អំពីឱកាសរបស់ Grealish ឈ្នះពាន PFA Player of the Year លោក Scholes និយាយថា «កុំគិតអវិជ្ជលើខ្ញុំ ខ្ញុំពេញចិត្តរូបគាត់ ប៉ុន្តែប្រសិនបើគាត់បង្ហាញសមត្ថភាពបែបនេះនៅក្លឹបដូចជា Man United, Man City, Liverpool រឺក៏ក្លឹបធំៗដទៃទៀត នោះគាត់អាចនឹងស្ថិតនៅតំបន់កំពូលទាំង៣។ ខ្ញុំមិនបានដាក់សម្ពាធទៅលើ Aston ទេ។ ប្រសិនបើគាត់នៅក្លឹបកំពូល បន្ទាប់មកគាត់ត្រូវតែឈ្នះគ្រប់ការប្រកួតរាល់សប្តាហ៍។ គាត់ត្រូវតែចាកចេញពី Aston ដើម្បីបង្ហាញថាគាត់គឺជាកីឡាករកំពូលម្នាក់។ គាត់ប្រហែលដូចទៅនឹង Paolo Di Canio។ គាត់ត្រូវតែចាកចេញរួចចូលរួមជាមួយនឹងក្លឹបដែលត្រូវការជ័យជម្នះរាល់សប្តាហ៍ កន្លែងដែលទទួលរងសម្ពាធក្នុងការឈ្នះពាន។ គាត់មានសមត្ថភាពអាចធ្វើវាបាន ប៉ុន្តែវានឹងមានការសង្ស័យរហូតទាល់តែអ្នកបានធ្វើវា»៕
ប្រភពព័ត៍មាន៖ Sportsmole