បរទេស៖ លោក Dean Smith បានបញ្ជាក់កាលពីថ្ងៃសុក្រថា ការវិលត្រឡប់មករកភាពប្រក្រតីឡើងវិញរបស់ ខ្សែបម្រើ Jack Grealish គឺជាតម្រូវការចាំបាច់សម្រាប់ក្រុម Aston Villa ខណៈអវត្តមានរបស់កីឡាករវ័យ២៥ឆ្នាំដោយសារតែបញ្ហារបួសស្មងជើងជាមូលហេតុមួយដែលធ្វើអោយក្រុមធ្លាក់ទម្រង់លេង។
គួរបញ្ជាក់ថា Aston Villa និងត្រូវបើកទ្វារកីឡាដ្ឋានVilla Park ទទួលក្រុម Fulham នៅថ្ងៃអាទិត្យស្អែកនេះ ខណៈក្រុមលោក Smith ទទួលបានជ័យជំនះតែម្តងគត់ក្នុងការប្រកួតក្របខណ្ឌ Premier League ៦លើកចុងក្រោយ ស្របពេលប្រធានក្រុម Gealish អាចនិងត្រលប់មកបង្ហាញខ្លួនចូលលេងជាលើកដំបូង។
លោក Smith បានបញ្ជាក់ប្រាប់បន្តថា៖ «គាត់ (Grealish) បានហ្វឹកហាត់អស់រយៈពេលមួយសប្តាហ៍ ដូច្នេះគឺជាសមល្មមដល់ពេលដែលគាត់អាចចូលមកជួយក្រុមបានហើយ។ Aston Villa បច្ចុប្បន្នឈរនៅចំណាត់ថ្នាក់ទី ១០ ក្នុងតារាងដោយមាន ៨ ពិន្ទុពីក្រុមលេខ៥ West Ham ដែលកំពុងមានកៅអីទៅលេងនៅក្របខណ្ឌ Europa League រដូវកាលក្រោយ»៕
ប្រភពព័ត៍មាន៖ Besoccer
