បរទេស៖ បិសាចក្រហម Man United បានផ្ទុះការរីករាលដាលមេរោគកូវីត-១៩ មុនពេលពួកគេធ្វើដំណើរទៅធ្វើ ការ ប្រកួតក្របខណ្ឌ Premier League នៅថ្ងៃអង្គារជាមួយក្រុមម្ចាស់ផ្ទះ Brentford។
ក្រុមបិសាចក្រហមទើបតែធ្វើការប្រកួតក្រៅទឹកដីជាមួយនឹងក្រុមម្ចាស់ផ្ទះ Norwich City កាលពីថ្ងៃសៅរ៍ ដោយបានកត់ត្រាជ័យជម្នះ ១ទល់និង០លើក្រុមNorwich ក្រោយពីការរកគ្រាប់បាល់ពិន័យ១១ម៉ែត្រ ដោយCristiano Ronaldo នៅតង់ទី២។ គេហទំព័រ Manchester Evening News បានចុះផ្សាយថា សមាជិកក្នុងក្រុមទាំងមូលក្រោយពីធ្វើដំណើរទៅកាន់ទឹកដី Norwich ដំបូងឡើយបានធ្វើតេស្តអវិជ្ជមានមេរោគកូវីត-១៩ ប៉ុន្តែ កីឡាករ និងបុគ្គលិកមួយចំនួនតូចបានធ្វើតេស្តវិជ្ជមាន កាលពីថ្ងៃអាទិត្យ ដូច្នេះហើយពួកគេត្រូវបានបញ្ជូនមកកាន់លំនៅដ្ឋានវិញមុនពេលហ្វឹកហាត់។ ប្រភពខាងលើបន្ថែមថាៈកីឡាករមួយចំនួនក៏ចាប់ផ្តើមហ្វឹកហាត់នៅទីលាន Carrington នៅថ្ងៃអាទិត្យ ប៉ុន្តែ កា្រប្រកួតលីកកំពូលសប្តាហ៏ទី១៧ជាមួយ Brentford កំពុងស្ថិតភាពមន្ទិលសង្ស័យ។
Man United មិនទាន់ចេញសេចក្តីថ្លែងការណ៍អំពីបច្ចុប្បន្នភាពជាក់ស្តែងលើកករណីនេះនៅឡើយនោះ ទេហើយក៏មិនទាន់បានបញ្ជាក់ច្បាស់ថាកីឡាកររូបណាធ្វើតេស្ត៏អវិជ្ជមាននោះដែរ។រយៈកាលកន្លងមក Dean Henderson, Jesse Lingard, Paul Pogba, Alex Telles និង Mason Greenwood ជាកីឡាករ បានឆ្លងមេរោគនេះពីមុនមកទាំងអស់។ក្រៅពីMan.Utd ការប្រកួត Europa Conference League របស់ Tottenham Hotspur ជាមួយ Rennes ត្រូវបានផ្អាកកាលពីសប្តាហ៍មុន និងបន្តផ្អាក បន្ថែមពីលើការប្រកួត Premier League កាលពីថ្ងៃអាទិត្យជាមួយ Brighton & Hove Albion ផងដែរ៕
ប្រភពព័ត៍មាន៖ Sportsmole
