បរទេស៖ ក្រុម Manchester United កំពុងតែពិភាក្សាជាមួយនឹងក្រុម Premier League ជុំវិញការពន្យារពេលការប្រកួតនៅរាត្រីនេះ នៅលើទឹកដីក្រុម Brentford ក្រោយពីក្លិបមានមូលដ្ឋាននៅ Old Trafford មយយនេះ បានក្លាយជាក្រុមស្ថិតក្នុងក្របខ័ណ្ឌកំពូលចុងក្រោយគេ ដែលរងនូវផលប៉ះពាល់ដោយសារតែការផ្ទុះការឆ្លងវីរុសកូវីដ ១៩។
ក្រុម Man United បានផ្អាកសកម្មភាពក្រុមជម្រើសដំបូងរបស់ខ្លួន នៅឯទីលានហ្វឹកហាត់ Carrington ក្នុងរយៈពេល២៤ម៉ោង កាលពីថ្ងៃចន្ទ ក្រោយពីកីឡាករ និងបុគ្គលិកជាច្រើន បានតេស្តឃើញលទ្ធផលជាវិជ្ជមានទៅលើវីរុសកូវីដ ១៩។ ក្រុមរប់សលោក Ralf Rangnick នឹងមិនធ្វើដំដំណើរទៅកាន់ទីក្រុងឡុងដ៍សម្រាប់ការប្រកួតនៅរាត្រីនេះឡើយ លុះតែមានការប្រកាសឲ្យដឹងពីលទ្ធផលពីការពិភាក្សានានាជាមួយនឹងក្រុម Premier League។
ក្រុម Aston Villa និង Brighton ក៏បានប្រកាសពីការរកឃើញលទ្ធផលតេស្តវិជ្ជមានកាលពីថ្ងៃចន្ទផងដែរ ខណៈដែលវីរុសនេះ កំពុងតែគំរាមដល់កម្មវិធីប្រកួតយ៉ាងមមាញឹករបស់ក្របខ័ណ្ឌ Premier League។ គិតត្រឹមពេលនេះ ក្របខ័ណ្ឌ Premier League បានរកឃើញករណីឆ្លងទាំងលើកីឡាករ និងបុគ្គលិកតាមក្លិបនានា ចំនួន៤២នាក់ហើយ៕
ប្រភពព័ត៌មាន៖ Channel News Asia
