គ្រូបង្វឹកក្រុម Tottenham លោក Mauricio Pochettino បានក្លាយជាមុខព្រួញទាំងក្រុម Man Utd និង PSG នៅលើបញ្ជីរបស់ក្លឹបទាំង២ ដែលចង់បានលោកទៅដឹកនាំនៅរដូវក្តៅខាងមុខ។ នេះបើតាម Sunday Express ចុះផ្សាយថ្ងៃនេះ។
លោក Mauricio Pochettino គ្រូបង្វឹកក្រុម Tottenham
ក្លឹបបារាំង PSG របស់ព្រះចៅកាតា បានព្រមានលោក Unai Emery គ្រូបង្វឹកបច្ចុប្បន្នរបស់ខ្លួនថា កៅអីរបស់លោកក្តៅហើយ ប្រសិនបើមិនអាចដឹកនាំក្រុមដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ។
លោក Unai Emery គ្រូបង្វឹកក្លឹប PSG
អ្នកចាត់ការទូទៅរបស់ក្រុមញញួរធំរូបនេះ ត្រូវបានគេជឿថាអាចនឹងធ្លាក់ចេញជាមួយនឹងកីឡាករតម្លៃខ្លួនថ្លៃបំផុតរបស់ពិភពលោក Neymar បើទោះជាកន្លងមកលោកធ្លាប់ដឹកនាំក្លឹបឲ្យជោគជ័យក្តី។
លោក Jose Mourinho គ្រូបង្វឹកក្រុម Man Utd
លោក Jose Mourinho គ្រូបង្វឹកក្រុម Man Utd កាលពីសប្តាហ៍មុនបានបញ្ជាក់យ៉ាងច្បាស់ថាគាត់អាចនឹងចាប់អារម្មណ៍ជំនួសតំណែង Emery នៅ PSG ខណៈដែលក្លឹប PSG បានបង្ហាញការចាប់អារម្មណ៍ទៅលើលោក Pochettino ទៅវិញ។
Pochettino កំពុងមានទីផ្សារ ព្រោះលោកកំពុងដឹកនាំ Spurs ត្រចះត្រចង់ខ្លាំង ពិសេសបន្ទាប់ពីក្រុមមាន់ខ្នាយមាសបំបាក់ Real Madrid ៣-១។ គ្រូបង្វឹកសញ្ជាតិអាហ្សង់ទីន វ័យ ៤៥ ឆ្នាំ ធ្លាប់ជាអតីតកីឡាករលេងឱ្យ PSG បាន២ឆ្នាំ ដែលលោកអាចនឹងមានប្រជាប្រិយភាពខ្លាំងក្នុងចំណោមក្រុមអ្នកគាំទ្រ។
ប្រភពពី: Postsport_News
