Isco បានចាប់ផ្តើមអាជីពធ្វើជាកីឡាបាល់ទាត់ជាមួយក្រុម Valencia នៅក្នុងឆ្នាំ2010 មុនផ្ទេរទៅក្រុម Malaga ក្នុងឆ្នាំ 2011។ ហើយបន្ទាប់មកទៀតរូបគេ ក៏បានផ្ទេរពីក្រុម Malaga មកក្រុម Real Madrid ក្នុងឆ្នាំ 2013 ក្នុងតម្លៃ 27 លានផោន។ Isco បានរកគ្រាប់បាល់បានមកដល់បច្ចុប្បន្នសរុប 53 គ្រាប់ ជាមួយការបង្ហាញខ្លួន 270 ប្រកួតនៅគ្រប់ក្របខណ្ឌ ជាមួយការជួយក្រុម Real Madrid លើកពាន La Liga 1 ដង និង Champion League 3 ដង។
Isco កីឡាករនាំលេង (Playmaker) វ័យ 25 ឆ្នាំរបស់ក្រុមជម្រើសជាតិអេស្បាញ និង ក្រុមស្តេចស Real Madrid អតីតខ្សែបម្រើក្រុម Malaga រូបនេះ បានអភិវឌ្ឍខ្លួននៅរយៈពេល 2ឆ្នាំចុងក្រោយនេះ ក្លាយជាកីឡាករដ៏មានសក្តានុពល របស់អ្នកចាត់ការទូទៅ Zinedine Zidane។ សម្រាប់រដូវកាល(2017-2018) នេះ រូបគេមានវត្តមាន 25ប្រកួតស៊ុតបញ្ចូលទីបាន 9គ្រាប់ និងចែកបាល់ឱ្យមិត្តរួមក្រុមស៊ុតចូល 3ដងផងដែរ។
ចង់ដឹងថាកីឡាកររូបនេះមានជំនាញដ៏ប៉ិនប្រសប់យ៉ាងណា សូមទស្សនាវីឌីអូខាងក្រោមទាំងអស់គ្នា៖
ប្រភពពី: Cambosport