ប្រធានក្លឹបអ្នកមានបុណ្យ Barcelona លោក Maria Bartomeu បានត្រៀមក្នុងការផ្តល់ប្រាក់ដល់គ្រូបង្វឹកលោក Ernesto Valverde ដើម្បីនាំយកកីឡាករឆ្នើមមួយជួយក្រុមនាខែមករាខាងមុខនេះ។ គោលដៅអាទិភាព និង ជាចំបងសម្រាប់ក្រុមគឺការចង់ឈ្នះពាន Champion League លើកទី6 សម្រាប់ក្រុមនៅតំបន់ Catalan មួយនេះ។ ទោះបីជាធ្លាប់បានដាក់គោលដៅអាទិភាពចង់បាន Philippe Coutinho កាលពីមុនបើករដូវកាលថ្មី និង រងបរាជ័យ 3លើកកន្លងមកក្តី ក្រុម Barcelona ក៏បង្ហាញចំណាប់អារម្មណ៏ និងចង់បានកីឡាករ 5រូបផ្សេងទៀតផងដែរ។ ខ្សែបម្រើ-ប្រយុទ្ធ ដែលក្រុម Barcelona ចង់បានមករួមក្រុមនោះមានដូចខាងក្រោមនេះ ៖
1. Philippe Coutinho
ខ្សែបម្រើ-ប្រយុទ្ធរបស់ក្រុម Liverpool រូបនេះអាចលេងបាននៅតំបន់បម្រើកណ្តាល និង ប្រយុទ្ធ ជាទម្រង់លេងដែលក្លឹប Barcelona ចង់បានបំផុត។យ៉ាងណាក្តីក្រោយបរាជ័យនាំយករូបគេកាលពីរដូវក្តៅកន្លងមកនេះ ក្រុម Barcelona ត្រៀមនិងចាយ ទឹកប្រាក់សារជាថ្មីរហូតដល់ 110លានផោនដើម្បីនាំយកតារាឆ្នើមក្រុមជម្រើសជាតិប្រេស៊ីលរូបនេះម្តងទៀតនាខែមករា។
2. Nabil Fekir
ខ្សែបម្រើ-ប្រយុទ្ធវ័យ 24ឆ្នាំសញ្ជាតិបារាំងរបស់ក្រុម Olympic Lyon រូបនេះ គឺជាកីឡាករដ៏មានទេពកោសល្យ និងលេងបាល់ដូចវេទមន្ត ស្របពេលដែលក្រុម Arsenal ក៏បានបង្ហាញចំណាប់អារម្មណ៏ចង់បានរូបគេមករួមក្រុមផងដែរ។ Barcelona បាននាំយកខ្សែការពារ Umtiti មករួមក្រុមរួចទៅហើយ ប៉ុន្តែសម្រាប់ Fekir និងធ្វើអោយក្រុម Barcelona រឹតតែខ្លាំងមួយកម្រិតថែមទៀត ប្រសិនជាអាចនាំយករូបគេមករួមក្រុមបាននៅខែមករាខាងមុខដើម្បីប្រកួតប្រជែងដណ្តើមពានរង្វាន់ Champion League សម្រាប់ក្រុម។
3. Julian Brandt
កីឡាករសញ្ជាតិសញ្ជាតិអាឡឺមង់វ័យក្មេងរូបនេះ ក៏ជាគោលដៅនាំយកមករួមក្រុម Barcelona ផងដែរ។ ប៉ុន្តែ Brandt ក៏មានការចាប់អារម្មណ៏ពីទម្រង់លេងរបស់ខ្លួនពីក្លឹប Bayern Munich ផងដែរ ជាមួយតម្លៃខ្លួន របស់គេដែលមានចំនួន 30លានផោន។
4. Thomas Lemar
ខ្សែបម្រើ-ប្រយុទ្ធឆ្នើមនិងវ័យឆ្លាតរបស់ក្រុម Monaco ដែលអាចលេងបាននៅតំបន់ស្លាប សញ្ជាតិបារាំងរូបនេះ បានបង្ហាញសក្តានុពល គឺជាគោលដៅចង់បានរបស់ក្រុម Barcelona ផងដែរដែលរូបគេមានតម្លៃខ្លួនតិចជាង 100លានផោននោះទេ។ ប៉ុន្តែប្រសិនជាអាណាព្យាបាលគឺក្រុម Monaco មិនបន្ទាបតម្លៃជាងនេះនោះទេ នោះពិតជាពិបាកនិងឃើញរូបគេមានវត្តមាននៅក្រុមBarcelona នាឆ្នាំក្រោយនោះទេ។
5. Angel Di María
អតីតខ្សែបម្រើ-ប្រយុទ្ធស្លាបក្រុម Real Madrid រូបនេះ ត្រូវបានក្រុម Barcelona ព្យាយាមទិញរូបគេ មករួមក្រុមកំលុងពេលទីផ្សារដោះដូរកីឡាករបានបិទមុនបើករដូវកាល(2017-2018)នេះ ប៉ុន្តែដោយសារទំនាក់ទំនងមិនសូវបានល្អរវាងក្រុម PSG និង Barcelona ធ្វើអោយមានការខកខាន ទៅវិញ។ ក្រុម Barcelona នឹងត្រៀមដេញថ្លៃកីឡាករជម្រើសជាតិអាហ្សង់ទីនវ័យ 29ឆ្នាំរូបនេះ ម្តងទៀត នៅខែមរា ស្របពេលក្រុម PSG ចង់បានតម្លៃខ្លួន 70លានផោន។
6. Christian Eriksen
ខ្សែបម្រើ-ប្រយុទ្ធវ័យ 25ឆ្នាំកំពុងលេងអោយក្រុមមាន់ខ្នាយមាស Tottenham Hot Spur រូបនេះ គឺជាកីឡាករ ដែលក្រុមអ្នកមានបុណ្យ Barcelona ចង់បានមករួមក្រុមផងដែរ បើទោះបីជាក្រុម Spur បានបដិសេធ មិនចង់ លក់កីឡាករឆ្នើមរូបនេះកន្លងមកយ៉ាងណាក៏ដោយ។ Eriksen សញ្ជាតិ ដាណឺម៉ាក បានអភិវឌ្ឃទម្រង់លេងបានល្អបំផុតនៅរយៈពេល 2ឆ្នាំចុងក្រោយ នេះ និង បានជួយក្រុម Spur មានកៅអីសម្រាប់ ការប្រកួត នៅក្របខណ្ឌ Champion League បន្ទាប់ពីក្រុម Spur បញ្ចប់នៅចំណាត់ថ្នាក់លេខ2(Runner Up) កាលពីរដូវកាល (2016-2017)។
