Bayern Munich សងសឹក Paris Saint Germain បានសម្រេច ៣ទល់នឹង១ មុនដឹកដៃគ្នាទៅវគ្គ១៦ក្រុមចុងក្រោយកម្មវិធី UEFA Champions League។
កាលពីជើងទីមួយក្រុមជើងខ្លាំងមកពី Bundesligaបានចាញ់ PSG ៣ទល់នឹង០ នៅទីក្រុងប៉ារីសយ៉ាងគួរឲ្យភ្ញាក់ផ្អើលរហូតដល់មានការបណ្ដេញអ្នកចាត់ការទូទៅលោក Carlos Ancelotti ចេញពីតំណែង។
យ៉ាងណាកាលពីយប់មិញ Robert Lewandowski ស៊ុតបាន១គ្រាប់នៅនាទី ទី៨ ហើយ Corentin Tolisso រកបាន២គ្រាប់ម្នាក់ឯងនៅនាទី ៣៧ និង៦៩ជួយ Bayern Munich យកឈ្នះបានវិញ។ ១គ្រាប់របស់ PSG ធ្វើបានដោយខ្សែប្រយុទ្ធវ័យក្មេង Kylian Mbappe នៅនាទី៥០។
ទោះជាបរាជ័យមែនប៉ុន្តែក្រុមអ្នកមានបារាំង PSG នៅតែឈរកំពូលតារាងពូលB មានពិន្ទុស្មើគ្នាជាមួយ Bayern ប៉ុន្តែខ្លួនចំណេញ១គ្រាប់លើរូបមន្ត Head to head (គិតលើលទ្ធផលប៉ះគ្នាទាំង២ជើង)៕