អ្នកប្រដាល់ល្បីឈ្មោះរបស់កម្ពុជា កែវ រំចង់ ប្រឹងហ្វឹកហាត់ខ្លាំងនាពេលបច្ចុប្បន្ន ព្រោះចង់យកឈ្នះដៃគូមកពីថៃ នាជំនួបមិត្តភាពអន្តរជាតិចុងខែធ្នូ ឆ្នាំ២០១៧ ខាងមុខ។
កែវ រំចង់ បានលើកឡើងថា សព្វថ្ងៃនេះខ្លួនពិតជាខំប្រឹងហ្វឹកហាត់ខ្លាំងមែនទែន និងព្យាយាមសម្រក់ទម្ងន់តាំងពី ៨៧គីឡូក្រាម រហូតដល់ ៧៦គីឡូក្រាមថែមទៀតផង។ អ្នកប្រដាល់មកពីខេត្តបាត់ដំបងខាងលើបន្ថែមថា លោកព្យាយាមរត់ជាប្រចាំ និងតមអាហារមួយចំនួន ហើយបរិភោគតែអាហារដែលមានថាមពល។
កីឡាករ កែវ រំចង់ នឹងឡើងសង្វៀននៅថ្ងៃទី២២ ខែធ្នូ ឆ្នាំ២០១៧ ក្នុងកម្មវិធីគូបូតា នៅបាយ័នស្ទឹងមានជ័យ ប៉ុន្តែមិនទាន់ដឹងថាប៉ះជើងខ្លាំងថៃរូបណានោះទេ។ នេះជាការវិលចូលសង្វៀនជាថ្មីក្រោយពីអ្នកប្រដាល់រូបនេះអាក់ខានតាំងពីមានរបួសដួលម៉ូតូនាចុងឆ្នាំ២០១៦មកម្ល៉េះ៕
កែវ រំចង់ ប្រឹងហាត់ខ្លាំង សម្រក់ទម្ងន់ជាង១០គីឡូ ដើម្បីបានឡើងសង្វៀនវិញ
អត្ថបទទាក់ទង