ក្រុម Liverpool បានជួបរាត្រីដ៏ខកចិត្តមួយ ខណៈដែលក្រុម West Brom បានធ្វើឲ្យពួកគេបញ្ចប់ត្រឹមលទ្ធផលស្មើ ០-០ នាកីឡដ្ឋាន Anfield និងឡើងផុតពីតំបន់កាត់ចោលនៃក្របខ័ណ្ឌ Premier League ដោយសារតែមានគ្រាប់បាល់ច្រើនជាង។
ខ្សែប្រយុទ្ធបម្រុង Dominic Solanke បានគិតថារូបគេបានរកគ្រាប់បាល់ឈ្នះទៅហើយនៅរយៈពេល៨នាទីចុងក្រោយ នៅពេលដែលរូបគេបានស៊ុតបាល់បំប៉ោងសំណាញ់ទីពីការបញ្ជូនរបស់កីឡាករ Joe Gomez ប៉ុន្តែលោកអាជ្ញាកណ្តាល Paul Tierney ចាត់ទុកថា ជាគ្រាប់បាល់ធ្វើឲ្យប៉ះដៃ។
West Brom សង្ឃឹមថា នឹងគេចឲ្យផុតពីកំណត់ត្រានៃមិនស្គាល់ឈ្នះសោះមួយ និងបានផ្លាស់ប្តូរកីឡាករពីរនាក់ទៅលើក្រុម ដែលចាញ់នៅលើទឹកដីក្រុម Swansea កាលពីថ្ងៃសៅរ៍មុន ប៉ុន្តែនៅតែមិនអាចគេចផុត។
ស្របពេលជាមួយគ្នានេះ ក្រុម Man United បានស្តារមុខមាត់ពីការចាញ់ក្នុងការប្រកួតរវាងក្រុមស្ថិតក្នុងទីក្រុងតែមួយ តាមរយៈការផ្តួលក្រុម Bournemouth ក្នុងលទ្ធផល ១-០ ខណៈដែលការភ្លាត់ស្នៀតរបស់ក្រុម Liverpool និង Arsenal បានធ្វើឲ្យក្រុម Tottenham Hotspur ឡើងទៅឈរលេខ៤ តាមរយៈការផ្តួលក្រុម Brighton & Hove Albion ក្នុងលទ្ធផល ២-០។
ខ្សែប្រយុទ្ធ Romelu Lukaku បានរកគ្រាប់បាល់កាត់សេចក្តី ខណៈដែល Man United បានវិលទៅកាន់ផ្លូវនៃជ័យជម្នះវិញតាមរយៈការផ្តួលក្រុម Bournemouth។ លោក Jose Mourinho គ្រូបង្វឹករបស់ក្រុម Man United បានប្រាប់ទូរទស្សន៍ BBC ថា៖ «ខ្ញុំពិតជារីករាយណាស់ក្នុងការទទួលបាន ៣ពិន្ទុ។ វាជាការប្រកួតដ៏លំបាកមួយ»៕
វីឌីអូហាយឡាយការប្រកួត៖ Liverpool vs West Brom
Manchester United vs Bournemouth
Tottenham vs Brighton
