កំពូលខ្សែប្រយុទ្ធ Cristiano Ronaldo សង្ឃឹមថានឹងទទួលបានផ្លែផ្កាជាច្រើនទៀត នៅរដូវកាល(2017-2018)នេះ បន្ទាប់ពីបានឈ្នះពានបាល់មាសលើកទី5 និងបន្តជួយក្រុមស្តេចស Real Madrid លើកពាន FIFA Club World Cup 2017 ក្រោយផ្តួលក្រុមមកពីក្របខណ្ឌកំពូលប្រេស៊ីល Gremio ដោយលទ្ធផល 1:0 នៅកីឡាដ្ឋានទីក្រុង Abu Dhabi នាប្រទេសអារ៉ាប់រួមកាលពីយប់ថ្ងៃសៅរ៏កន្លងទៅនេះ។
ប្រធានក្រុមជម្រើសជាតិព័រទុយហ្គាល់វ័យ 32ឆ្នាំ Ronaldo ធ្វើបានសម្រេចនាំមុខ 1:0 ដោយការទាត់បាល់ Free Kick នៅនាទីទី53 និងជាគ្រាប់បាល់ជ័យជំនះសម្រាប់ក្រុម ខណៈដែលខ្សែបម្រើ Luka Modric ស្ទើរតែរកបាន បាល់មួយគ្រាប់បន្ថែមទៀតទៅហើយ ប៉ុន្តែបាល់ដែលស៊ុតចេញពីជើងកីឡាករក្រុមជម្រើសជាតិក្រូអាតរូបនោះ បានប៉ះទៅនឹងរបាទីខាងក្រោម។
ជ័យជំនះក្នុងការប្រកួតដណ្តើមពាន Club World Cup នេះបានធ្វើអោយក្រុមជើងឯក LA LIGA មានកំណត់ត្រាស្មើជាមួយក្រុម Barcelona ដែលធ្លាប់ធ្វើបាននៅឆ្នាំ2014។ សម្រាប់ឆ្នាំ2017 នេះ ក្រុម Real Madrid បានឈ្នះពានជើងឯកសរុប 5 រួចមកហើយមានដូចជា 1.Champions League, 2.La Liga, 3.UEFA Super Cup, 4.Spanish Super Cup និង 5.Club World Cup និងសរុបទាំងអស់គឺ 8ពានហើយ ក្រោមការដឹកនាំរបស់គ្រូបង្វឹកបារាំង Zinidine Zidane ដែលបានចូលមកកាន់មុខតំណែងនេះកាលពីខែមករា ឆ្នាំ2016 កន្លងមក។
ប្រភព៖ BBC
តារាឆ្នើម Ronaldo ជួយក្រុម Real Madrid លើកពាន Club World Cup 2017
អត្ថបទទាក់ទង