លោក Arsene Wenger អ្នកចាត់ការ Arsenal និយាយថា មិនអាចទ្រាំទ្រនឹងការរងរបួសរបស់កីឡាករខ្លួនជាបន្តបន្ទាប់ឡើយ ដ្បិតក្រុមត្រូវមានភារៈច្រើនទាំងនៅថ្ងៃបុណ្យគ្រីស្មាស់ថែមទៀត។
អ្នកចាត់ការក្រុមរហស្សនាមក្រុមកាំភ្លើងធំថ្លែងបែបនេះ ក្រោយ Olivier Giroud រងរបួសក្នុងជំនួបពានរង្វាន់ Carabao ឈ្នះ West Ham ១ទល់នឹង០ ឡើងវគ្គពាក់កណ្ដាលផ្ដាច់ព្រ័ត្រ នៅរាត្រីថ្ងៃអង្គារ ទី១៩ ធ្នូ។
លោក Wenger និយាយថា ខ្សែប្រយុទ្ធជម្រើសជាតិបារាំងខាងលើមានបញ្ហាសសៃពួរ ទំនងសម្រាក៣សប្ដាហ៍ ខណៈ Francis Coquelin ក៏មានបញ្ហារបួសដូចគ្នា។
អ្នកចាត់ការជនជាតិបារាំងនិយាយថា លោកត្រូវការកម្លាំងកីឡាករយ៉ាងខ្លាំង ជាពិសេសនៅពេលមមាញឹកបែបនេះ។ លោកនឹងពិចារណាថា នឹងត្រូវធ្វើអ្វីបន្ថែមទៀត។ លោកពិបាកនឹងទទួលយកខ្លាំងណាស់ដែលបាត់បង់កូនក្រុមដូច Giroud ព្រោះវាប៉ះពាល់ដល់ការរៀបចំក្រុម។
Danny Welback បានទាត់បញ្ចូលទីឲ្យ Arsenal នៅនាទី៤២ ខណៈក្រុមកាំភ្លើងធំសម្លឹងទៅកាន់ជើងឯក League Cup លើកដំបូងចាប់ពីឆ្នាំ១៩៩៣៕
Via: keiladaily
