ក្រោយពីចំណាយពេលលេងអោយក្រុមនៅលីកកំពូលចិន Guangzhou Evergrande អស់រយៈពេល 2រដូវកាលកន្លងមកនេះ ខ្សែបម្រើប្រេស៊ីល Paulinho ត្រូវបានក្លឹប Barcelona នាំមកចូលរួមជាមួយក្រុម នៅដើមរដូវកាលក្នុងតម្លៃ35លានផោន ហើយបានបង្ហាញទម្រង់លេងបានយ៉ាងល្អគួរកត់សម្គាល់ដើម្បីជួយក្រុម អោយត្រលប់មកបង្ហាញភាពខ្លាំងឡើងវិញ។
មកដល់ពេលបច្ចុប្បន្ននេះតារាឆ្នើមប្រចាំក្រុម Lionel messi រកបានគ្រាប់បាល់14គ្រាប់ហើយក្តី ក្រោយការប្រកួត 16ប្រកួត ប៉ុន្តែមានសំនួរបានចោតសួរឡើងថាមានអ្វីនៅពីក្រោយភាពលេចធ្លោរបស់ Messi ក្រោយការចាកចេញរបស់ Neymar ខណៈដែល Luis Saurez ហាក់ធ្លាក់ទម្រង់លេងបន្តិច ព្រមជាមួយខ្សែបម្រើ Gerard Deulofeu នៅគាំទ្រ យ៉ាងទៀតទាត់ បើទោះបីជាគ្មាន Neymar ប៉ុន្តែ Paulinho បានបំពេញកាតព្វកិច្ចនៅតំបន់បម្រើបានយ៉ាងល្អ ដើម្បី គាំទ្រដល់តំបន់ប្រយុទ្ធជារឿយៗ ។
អ្វីដែលស្តែងអោយឃើញនៅពេលនេះទៀតគឺ បន្ទាប់ពីបានបរាជ័យ កំលុងពេលលេងអោយក្រុម Tottenham និង ក្រោយ ពីបានជាប់ជម្រើសជាតិ ក្រោមការដឹកនាំរបស់អតីតគ្រូបង្វឹកលោក Luiz Filipe Scolari ព្រមជាមួយបទពិសោធន៏ 2ឆ្នាំនៅ លីក កំពូលចិន Paulinho បានក្លាយជាកីឡាករដ័មុតស្រួចនាពេលបច្ចុប្បន្ន ជាមួយការរកគ្រាប់បាល់ស៊ុតបញ្ចូលទីដល់ទៅ 6គ្រាប់ និងAssist បាន 2គ្រាប់សម្រាប់ការប្រកួតនៅក្របខណ្ឌ La Liga រដូវកាលថ្មីនេះ គឺច្រើនជាងខ្សែបម្រើ Isco និង Gonsalo Guedes ទៅទៀត។