ក្លឹបញញួរធំ West Ham កំពុងសម្លឹងឃើញ Ki Sung-yueng ខ្សែបម្រើការពាររបស់ Swansea City និងមិត្តរួមក្រុមគេម្នាក់ទៀត Alfie Mawson។
កីឡាករកូរ៉េខាងត្បូង Ki នឹងអស់កុងត្រាជាមួយក្លឹប Swansea នៅរដូវក្ដៅខាងមុខ ហើយក្លឹបក៏បើកដៃឲ្យចេញដូចគ្នា។ កីឡាករវ័យ២៨ឆ្នាំទើបតែបានបង្ហាញខ្លួន១១ដងប៉ុណ្ណោះឲ្យ Swansea ក្នុងរដូវកាលនេះ ឯ David Moyes មើលឃើញកីឡាករអាស៊ីរូបនេះនឹងអាចជួយឲ្យ West Ham លេងក្នុងទម្រង់ល្អ ជាពិសេសជួយខ្សែការពារ៤ខាងក្រោម។
ខណៈ West Ham កំពុងតែពង្រឹងតំបន់ការពារក្រោមការដឹកនាំរបស់ Moyes ដូច្នេះតាមលទ្ធភាពពួកគេនឹងស្វែងរកចំណុចខ្វះខាតរបស់ក្រុម។ Ki ដែលបង្ហាញខ្លួនឲ្យជម្រើសជាតិកូរ៉េខាងត្បូង៩៧ប្រកួត ជាកីឡាករមានបច្ចេកទេសខ្ពស់នៅតំបន់បម្រើការពារ ជាមានការបញ្ជូនបាល់ច្បាស់ល្អ។ ក្រៅពី Ki លោក David Moyes ក៏ចាប់អារម្មណ៍យុវជន U21 អង់គ្លេសរបស់ Swansea ម្នាក់ទៀតគឺកីឡាករ Alfie Mawson៕
ចុចអាន៖
ជើងខ្លាំងក្បាច់គុនចម្រុះ មាស ម៉ើ សងសឹក ធា នុរាជ បានសម្រេចមុននេះបន្តិច
សហព័ន្ធគុនខ្មែរ គ្រោងបង្កើតមជ្ឈមណ្ឌលហ្វឹកហ្វឺននៅខេត្តម្ចាស់មេដាយមាសស៊ីហ្គេមមុនគេ