អង្គការផ្កាយសមុទ្រ បានបង្កើតពានរង្វាន់បាល់ទាត់មួយសម្រាប់យុវជនគថ្លង់ និងខ្សោយសតិបញ្ញា ដែលមាន១៧ក្រុមចូលរួមកាលពីថ្ងៃទី២៣ខែធ្នូឆ្នាំ២០១៧កន្លងទៅនេះ។
លោក យិន សាមឌី អ្នកគ្រប់គ្រងកម្មវិធីបាល់ទាត់ខាងលើបានបញ្ជាក់ថាអង្គការរបស់លោកបង្កើតពានរង្វាន់នេះឡើងជារៀងរាល់ឆ្នាំ ដើម្បីឱ្យក្មេងៗគថ្លង់ទាំងអស់បានសប្បាយរីករាយ និងបានចូលរួមប្រកួតបាល់ទាត់ជាមួយទីលានមួយត្រឹមត្រូវ ក៏ដូចជាបានជួបជុំគ្នាផងដែរ។ មិនត្រឹមតែប៉ុណ្ណឹងទេ ការប្រកួតបាល់ទាត់នេះជារឿងអស្ចារ្យខ្លាំងណាស់សម្រាប់កុមារគថ្លង់ទាំងអស់ ព្រោះវាអាចពង្រឹងសុខភាពពួកគេ ក៏ដូចជាបង្កើតមិត្តភាព។
មួយវិញទៀត មិនត្រឹមតែយុវជនគថ្លង់នោះទេ ក្នុងចំណោម១៧ក្រុមនេះ ក៏មានក្មេងៗខ្សោយសតិបញ្ញាផងដែរ។ សម្រាប់ក្មេងៗខ្សោយសតិបញ្ញានេះ គឺមិនមែនជាការប្រកួតគ្នាអ្វីទេ ប៉ុន្តែពួកគេមកដើម្បីចូលរួមហ្វឹកហាត់និងបានជួបគ្នា បង្កើនមិត្តភាព ប៉ុណ្ណោះ។ ការប្រកួតនេះដែរ គឺមានការគាំទ្រពីខាង Football For Hope របស់ FIFA ហើយ១ឆ្នាំអង្គការបង្កើតកម្មវិធីប្រកួត២ដង។
អង្គការផ្កាយសមុទ្រ មានកីឡាករ កីឡាការិនី សរុបជាច្រើនពាក់នាក់ នៅទូទាំងប្រទេសកម្ពុជា បូករួមទាំងយុវជនគថ្លង់ យុវជនខ្សោយប្រាជ្ញា និងយុវជនផ្សេងៗទៀត។ ដោយអង្គការបានរៀបចំការប្រកួតជាច្រើនក្នុងមួយឆ្នាំៗ ដើម្បីឱ្យពួកគេបានចូលរួមប្រកួតប្រជែង និងបង្កើនអារម្មណ៍សប្បាយរីករាយ៕
មូលហេតុអង្គការផ្កាយសមុទ្រ បង្កើតពានរង្វាន់បាល់ទាត់គថ្លង់មាន១៧ក្រុមចូលរួម
អត្ថបទទាក់ទង
