ក្រោយមិនទាន់មានគ្រូបង្វឹកបង្គោលឈុតធំដើម្បីដឹកនាំក្រុមពេលនេះម្ចាស់ជើងឯកកំពូលទ្វីបអឺរ៉ុប ៣សម័យ គឺអធិរាជស Real Madrid បានបង្វែគោលដៅសម្លឹងឃើញបេក្ខភាពគ្រូបង្វឹកក្រុមតោខៀវលោកគឺលោក Antonio Conte កំពុងស្ថិតក្នុងជម្រើសជាក់ស្តែងមួយ ក្នុងចំណោមគ្រូបង្វឹកកំពូលៗ របស់ទ្វីបអឺរ៉ុប ដើម្បីមកជំនួសលោក Zinedine Zidane ដែលធ្លាប់ជាអតីតមិត្តរួមក្រុម Juventus ពីអតីតកាលនោះ។

ក្រោយពីមិនអាចបញ្ចុះបញ្ចូលគ្រូបង្វឹក Tottenham លោក Mauricio Pochettino ក្រុម Los Blancos ឥឡូវនេះបានបង្ហាញចំណាប់អារម្មណ៏ចង់បានគ្រូបង្វឹសញ្ជាតិអ៊ីតាលី មកដឹកនាំនៅកីឡាដ្ឋាន Estadio Santigao Bernabeu។ ទោះបីជារដូវកាល(២០១៧-២០១៨)ក្រុមមានមូលដ្ឋាននៅទីក្រុងឡុងដ៍ ហាក់សម្តែងការមិនពេញចិត្តទៅលើលទ្ធផលដែលលោក Conte ដឹកនាំ ខណៈរូបលោកបានបញ្ចប់រដូវកាលលើកពាន FA Cup យ៉ាងណាក្តី ដែលនេះជាហេតុផលមួយអាចធ្វើអោយក្រុម Real Madrid ព្យាយាមអន្ទងចិត្តលោក Conte មកដឹកនាំវិញម្តង។

គួរបញ្ជាក់ផងដែរថាលោក Conte អតីតគ្រូបង្វឹកក្រុម Juventus នៅសល់កិច្ចសន្យាជាមួយក្រុម​ Chelsea រយៈពេល ១ឆ្នាំទៀត ខណៈក្រុមក៏បានបង្ហាញចេតនាចង់បានអតីតគ្រូបង្វឹក Napoli សញ្ជាតិអ៊ីតាលីលោក Maurizio Sarri មកដឹកនាំនៅកីឡាដ្ឋាន Stamford Bridge។ ក្រុម Chelsea នឹងត្រូវបង់ប្រាក់ទៅលោក Conte ២០ លានយូរ៉ូ ប្រសិនជាក្រុមបញ្ចប់តំណែងលោក Conte មុនកិច្ចសន្យារអស់សុពលភាព។

ប្រភព៖ Marca