អតីតកីឡាករឆ្នើមលោក David Beckham បានផុសរូបលើបណ្ដាញសង្គមរំឭកដល់ Zlatan Ibrahimovic កុំភ្លេចពាក់អាវជម្រើសអង់គ្លេសមកមើលអង់គ្លេសលេងនៅកីឡដ្ឋាន Wembley។
ការផុសបែបនេះដោយមុនការប្រកួតរវាងអង់គ្លេសនិងស៊ុយអែតវគ្គ៨ក្រុមចុងក្រោយយប់មិញ Zlatan បានភ្នាល់ជាមួយ Beckham ថាប្រសិនបើអង់គ្លេសឈ្នះលោកសុខចិត្តប៉ាវអាហារពេលល្ងាចឲ្យ Beckham កន្លែងណាក៏បាននៅជុំវិញពិភពលោក ឲ្យតែអតីតប្រធានក្រុមជម្រើសជាតិអង់គ្លេសពេញចិត្ត។ ប៉ុន្តែប្រសិនបើ ស៊ុយអែតឈ្នះវិញ អតីតសមាជិក LA Galaxy ត្រូវទិញផលិតផលម៉ាក IKEA ឲ្យខ្លួនវិញ។
Beckham ក៏ព្រមសំណើនេះ តែគេក៏បានដាក់ការសន្យាទៅវិញដែរថា បើអង់គ្លេសឈ្នះវិញ Zlatan ត្រូវមកមើលជម្រើសជាតិអង់គ្លេសលេងនៅកីឡដ្ឋាន Wembley ដោយពាក់អាវជម្រើសជាតិអង់គ្លេស។
ទីបំផុតឆ្លងកាត់ការប្រកួតយប់មិញ Beckham គឺជាអ្នកឈ្នះការប្រកួតនេះដោយអង់គ្លេសបានទទួលជ័យជម្នះលើស៊ុយអែតលទ្ធផល២-០។ គ្រាន់តែឈ្នះភ្លាមអតីតកីឡាកររបស់ Real Madrid បានកាត់តរូប Zlatan ពាក់អាវជម្រើសជាតិអង់គ្លេសឆ្នាំ១៩៩៨និងសរសេរភ្ជាប់ថា៖ “ដូចជាមាននរណានឹងមក Wembley ម្ដងទៀត។ Ibrahimovic ក៏បានតបវិញដែរថា៖ “ខ្ញុំកំពុងទៅហើយ អបអរសាទរ”៕
បន្ទាប់ពីអង់គ្លេស ឈ្នះ ស៊ុយអែត David Beckham រំឭកដល់ឌឺ Zlatan Ibrahimovic
អត្ថបទទាក់ទង
