កាំភ្លើងធំ Arsenal បានយកឈ្នះក្រុម Vorskla ដោយលទ្ធផល ៤-២នៃការប្រកួតសន្សំពិន្ទុក្នុងពូល E ពាន Europa League កាលពីយប់មិញក្នុងផ្ទះរបស់ខ្លួន។
ក្រុមខ្លាំងអង់គ្លេស Arsenal រកបានរហូតដល់៤គ្រាប់មុន ប៉ុន្តែក៏មិនអាចរក្សាសំណាញ់ទីរបស់ខ្លួនមិនឲ្យដៃគូបំបែកពងមាន់បានឡើយ។ ៤គ្រាប់របស់កាំភ្លើងធ្វើបានសម្រេចដោយ Aubameyang ២គ្រាប់គឺនាទី១៩ និងនាទី៥៦ ហើយ Danny Welbeck រកបាន១គ្រាប់នៅនាទី៤៨ និង Mesut Oezil រកបាន១គ្រាប់នៅនាទី៧៤។
ទោះជាត្រូវម្ចាស់ផ្ទះបំប៉ោងសំណាញ់ទីរហូតដល់៤គ្រាប់ក្តី ក៏ក្រុមភ្ញៀវ Vorskla របស់អ៊ុយក្រែនអាចសងបាន២គ្រាប់វិញដែរដែលរកបានដោយ Volodimir Chesnakov នៅនាទីទី៧៧ និង Vyacheslay Sharpar នៅនាទី៩០។
វីដេអូ Arsenal ឈ្នះ ៤-២ Vorskla
ក្នុងពូល E នេះ កាំភ្លើង Arsenal ឈរលើកំពូលតារាងមាន៣ពិន្ទុដូច Sporting CP ដែលយកឈ្នះក្រុម Qarabag FK ដោយលទ្ធផល ២-០៕
Via: Sabay
Arsenal យកឈ្នះ ៤-២ លើ Vorskla ក្នុងពូល E ពាន Europa League កាលពីយប់មិញ(វិដេអូ)
អត្ថបទទាក់ទង