ក្រោយចាញ់ក្លឹប Derby County ក្នុងកម្មវិធី EFL Cup អ្នកចាត់ការ Manchester United លោក Jose Mourinho បានដឹងមុនថានឹង “មានបញ្ហា” នៅពេលដល់វេនខ្សែការពារ Phil Jones ទាត់បាល់ប៉េណាល់ទី។
ក្រោយនិយាយសរសើរអំពីទឹកចិត្តប្រឹងលេងរបស់ Derby County និងចំណុចខ្សោយមួយចំនួនរបស់ Manchester United ក្នុងអំឡុងពេលប្រកួត អ្នកចាត់ការ Mourinho បាននិយាយ៖ “នៅពេលដល់វគ្គប៉េណាល់ទី ខ្ញុំដឹងស្រេចថានឹងមាននរណាម្នាក់ស៊ុតមិនចូល។ នៅពេលដែលខ្ញុំឃើញថា ដល់វេន Jones និង Eric (Baily) ខ្ញុំដឹងមុនហើយថា នឹងមានបញ្ហា”។
សូមបញ្ជាក់ផងដែរថា ការស៊ុតមិនចូលរបស់ Jones ក្នុងវគ្គប៉េណាល់ទី ធ្វើឲ្យក្លឹប Manchester United ចាញ់ Derby County ដឹកនាំដោយលោក Frank Lampard ក្នុងលទ្ធផល ៧ ទល់នឹង ៨ ក្រោយស្មើ ២ ទល់នឹង ២ ក្នុងប្រកួត ៩០ នាទី។ ការចាញ់នេះ ធ្វើឲ្យបិសាចក្រហមចាកចេញពីកម្មវិធី EFL Cup៕
Via :news.sabay
Mourinho ដឹងមុនថានឹងមានបញ្ហានៅពេលដល់វេន Jones ទាត់បាល់ប៉េណាល់ទី
អត្ថបទទាក់ទង