អ្នកចាត់ការរបស់ក្រុម Leicester City លោក Claude Puel បានអះអាងថា កីឡាករសំខាន់របស់ខ្លួន គឺ Riyad Mahrez អាចតម្លៃខ្លួនដល់ទៅជាង១០០លានអឺរ៉ូ។
គ្រូបង្វឹកជនជាតិបារាំងថ្លែងបែបនេះ ខណៈខ្សែបម្រើជម្រើសជាតិអាល់ហ្សេរីខាងលើធ្លាប់បង្ហាញចេតនាចង់ចាកចេញពីកីឡដ្ឋាន King Power ហើយក្លិបមានម្ចាស់ជាមហាសេដ្ឋីជនជាតិថៃក៏ធ្លាប់បដិសេធសំណើពី AS Roma ដល់ទៅ៣លើកហើយដែរ។
លោក Puel ថ្លែងថា ដំណឹងនៃការចង់ចាកចេញពីសំណាក់ម្ចាស់ជ័យលាភីកីឡាករល្អនៅអង់គ្លេសប្រចាំឆ្នាំ២០១៦ គ្រាន់តែជាពាក្យចចាមអារ៉ាមប៉ុណ្ណោះ និង ថារូបគេកំពុងរីករាយជួយក្លិបបន្ត។
Mahrez ជាកីឡាករស្នូលរបស់ Leicester City ដែលបានរួមចំណែកឈ្នះជើងឯកលីគកំពូលអង់គ្លេស រដូវកាល២០១៥/២០១៦៕
ប្រភព ៖ Keiladaily