កំណត់ត្រាមិនដែលចាញ់១៨ប្រកួតជាប់គ្នារបស់ Liverpool ត្រូវបញ្ចប់ក្រោមថ្វីដៃក្រុមបាតតារាង Swansea City កាលពីយប់មិញ។
ក្រុមរហស្សនាមថាហង្សក្រហមមិនដែលចាញ់សោះគិតលើគ្រប់កម្មវិធីចាប់តាំងពីចាញ់ Tottenham Hotspur ៤-១ កាលពីខែតុលាឆ្នាំ២០១៧មក ប៉ុន្តែកំណត់ត្រានេះត្រូវបញ្ចប់ក្រោយពួកគេចាញ់ Swansea ១ ទល់នឹង០។
ការប្រកួតនៅកីឡដ្ឋាន Liberty ម្ចាស់ផ្ទះបាននាំមុខ Liverpool មុនតាំងពីវគ្គទីមួយនាទី៤០ ស៊ុតបញ្ចូលទីដោយខ្សែការពារ Alfie Mawson។ ជ័យជម្នះនេះធ្វើឲ្យ Swansea រក្សាចំណាត់ថ្នាក់លេខ២០ក្នុងតារាងដដែល ក្រោមលេខ១៧ Stoke ចំនួន៣ពិន្ទុ។ ចំពោះក្រុមលោក Jurgen Klopp វិញបានរំកិលខ្លួនពីលេខ៣ មកលេខ៤ក្នុងតារាង៕
ប្រភពពី:Sabay