ក្រុមការពារតំណែងជើងឯក Real Madrid បានកាត់បន្ថយគម្លាតពីក្រុមកំពូលតារាង Barcelona ត្រឹម ១៦ពិន្ទុ ក្រោយពីផ្តួលក្រុមលេខ៣ Valencia ដោយលទ្ធផល ៤:១ កាលពីយប់ថ្ងៃសៅរ៏ទី ២៧ មករា ២០១៨នេះ។
Cristiano Ronaldo មានឪកាសរកបានគ្រាប់បាល់ពិន័យរហូតដល់ទៅ ២គ្រាប់នៅតង់ទី១ ក្រោយខ្សែការពារ Valencia បង្កកំហុសនៅតំបន់គ្រោះថ្នាក់ បន្ទាប់មកទៀតមិនបានប៉ុន្មាននាទីផង កីឡាករក្រុមម្ចាស់ផ្ទះត្រូវបានអាជ្ញាកណ្តាលពិន័យផ្តល់បាល់ជាលើកទី២ ដោយចោតពីបទបង្កកំហុសដាក់កីឡាករ Karim Benzema នាំអោយ ក្រុមភ្ញៀវនាំមុខម្ចាស់ផ្ទះដោយលទ្ធផល ២:0។
ចូលមកដល់តង់ទី២ កីឡការ Mina របស់ក្រុមម្ចាស់ផ្ទះ មានឪកាសរកបានគ្រាប់បាល់ ១គ្រាប់វិញ តាមពីក្រោយដោយកីឡាករ Mina មុនពេលខ្សែការពារប្រេស៊ីល Marcelo និងខ្សែបម្រើអាឡឺម៉ង់ Toni Kross រកបានម្នាក់មួយគ្រាប់មុនបញ្ចប់តង់ទី២ ជួយអោយក្រុមភ្ញៀវទទួលជ័យជំនះដោយលទ្ធផល ៤:១ ។
អ្នកចាត់ការទូទៅក្រុមស្តេចស Real Madrid Zinidine Zidane បានអោយដឹងថា៖ វាជាការតស៊ូជាមួយពេលវេលាដ៏អាក្រក់មួយ ក្រោយពីក្រុមត្រូវបានធ្លាក់ចេញពីការប្រកួតពាន Copa Del Rey ក្រោមស្នាដៃក្រុម Leganes កាលពីថ្ងៃពុធ។
គ្រូបង្វឹកសញ្ជាតិបារំាងរូបនេះបានបញ្ជាក់ផងដែរថា៖ អនាគតរបស់គាត់ គឺពឹងផ្អែកនៅការប្រកួតពានរង្វាន់ Champion League ទល់និងក្រុម PSG សម្រាប់វគ្គ១៦ ក្រុមចុងក្រោយនេះ។ ហើយវាជាការប្រកួតដ៏ធំ និងធ្វើនៅកីឡាដ្ឋានដ៏អស្ចារ្យ យើងនឹងលេងក្នុងទម្រង់មួយដ៏ល្អបំផុត ពួកយើងកំពុងនៅទីនេះ ហើយត្រៀមខ្លួនសម្រាប់ការប្រកួតហើយ នៅលើផ្លូវដ៏វែងឆ្ងាយដែលត្រូវដើរ និងធ្វើតាមលទ្ធភាពរបស់យើងអោយបានល្អបំផុត។
ខ្សែរប្រយុទ្ធឆ្នើម CR7 ស៊ុតបាល់ពិន័យ ១១ម៉ែត្របាន ២គ្រាប់ ជួយអោយ Real ផ្តួល Valencia ៤:១
អត្ថបទទាក់ទង