អ្នកចាត់ការ Manchester United លោក Jose Morinho ក្នុងថ្ងៃនេះ បានទិតៀនខ្សែប្រយុទ្ធ Alexis Sanchez ថាលេងនៅក្រោមពេកនៅតង់ទី ២ ក្នុងការប្រកួតយប់មិញ។
លោក Mourinho បានប្រាប់ទៅអ្នកសារព័ត៌មានថា៖ “នៅក្នុងតង់ទី ២ ខ្ញុំព្យាយាមប្រាប់ឲ្យគេ(Sanchez)លេងនៅខាងលើ ជិត Lukaku”។ លោកអ្នកចាត់ការសញ្ជាតិព័រទុយហ្គាល់បន្ត៖ “ទោះជាយ៉ាងណា គេចង់ជួយក្រុមក្នុងការការពារ អ៊ីចឹងគេចុះមកលេងនៅតំបន់ខាងក្រោម ប៉ុន្តែការចុះហ្នឹងគឺចុះពេក ចុះរហូតដល់ពិបាកក្នុងការចាត់ចែងទម្រង់ក្រុម”។
ក្រោយនិយាយបែបនេះ លោក Mourinho ក៏បានបកមកសរសើរ Sanchez វិញថា៖ “គេព្យាយាមណាស់ក្នុងការប្រកួតហ្នឹង។ ខ្ញុំសប្បាយចិត្តដែលគេខំបែបនេះ”។
ខ្សែប្រយុទ្ធ Alexis Sanchez ទើបតែចាកចេញពី Arsenal មកចូលរួមផ្លូវការជាមួយ Manchester United កាលពីជាង ១០ថ្ងៃមុនប៉ុណ្ណោះ។ ការប្រកួតពេលប៉ះជាមួយ Totteham Hotspur យប់មិញ ជាការបង្ហាញខ្លួនលើកទីមួយរបស់កីឡាករស៊ីលីឲ្យក្លឹបថ្មីរបស់ខ្លួនក្នុង Premier League។ ទោះជាយ៉ាងណា Sanchez មិនបានស៊ុតសូម្បីមួយជើងចំគោលដៅក្នុងការប្រកួតមួយនេះ៕