អតីតអ្នកចាត់ការ Southampton និង Everton លោក Ronald Koeman ត្រូវតែងតែជាគ្រូបង្វឹកថ្មីក្រុមជម្រើសជាតិហូឡង់។
Koeman ដែលទំនេរពីការងារចាប់តាំងពីត្រូវ Everton បណ្ដេញចេញកាលពីខែតុលា នឹងដឹកនាំក្រុមរហស្សនាមថាពណ៌ទឹកក្រូចលើកដំបូងទល់នឹងតោកំណាចអង់គ្លេស នៅថ្ងៃទី២៣ ខែមិនា។ លោកបានចុះកុងត្រារយៈពេល ៤ឆ្នាំកន្លះជាមួយជម្រើសជាតិរហូតដល់ World Cup ២០២២។
បុរសវ័យ៥៤ឆ្នាំទៅជំនួសតំណែងលោក Dick Advocaat ដែលលាឈប់ព្រោះមិនអាចនាំហូឡង់ឡើងទៅ World Cup នៅរុស្ស៊ីបាន។ Koeman ត្រូវចាត់ទុកជាវីរបុរសមួយរូបរបស់ហូឡង់កាលជំនាន់ជាកីឡាករក្នុងនោះធ្លាប់លេងឲ្យបាន៧៨ប្រកួត និងជួយជម្រើសជាតិលើកពានទ្វីបអឺរ៉ុបកាលពីឆ្នាំ១៩៨៨៕
Via :news.sabay