Angel di Maria អាចរកបាន៣គ្រាប់ម្នាក់ឯង ខណៈមិត្តរួមក្រុម Dani Alves ក្លាយជាអ្នកចាំទីចុងក្រោយក្នុងពាន Coupe de France ជួយ Paris Saint-Germain ឈ្នះក្រុម Sochaux ៤-១ ឡើងទៅវគ្គ៨ក្រុមបន្ត។
រឿងកម្រកើតមាន Alves បានផ្លាស់ប្ដូរតំបន់លេងជំនួស ពេលអ្នកចាំទី Kevin Trapp សាងកំហុសទទួលបានកាតក្រហមនៅម៉ោងបន្ថែមវគ្គទី២ទៅហើយ។ មូលហេតុបែបនេះដោយសារក្នុងការប្រកួតនេះ PSG បានប្ដូរកីឡាករអស់៣នាក់ទៅហើយ ដូច្នេះពេល Kevin Trapp ទទួលបានកាតក្រុមមិនអាចប្ដូរកីឡាករចូលបន្ថែមទេ។
យ៉ាណាមិញ Alves ចាំបានតែ១០វិនាទីប៉ុណ្ណោះ ពោលត្រូវការពារគ្រាប់បាល់ free kick ចុងក្រោយរបស់ក្រុម Sochaux មុនពេលអាជ្ញាកណ្ដាលផ្លុំកញ្ចែ។ ជោគជ័យនេះ PSG គ្មានវត្តមាន Neymar ទេ ដោយសារលោក Unai Emery អនុញ្ញាតឲ្យសម្រាក ព្រោះគេទើបប្រារព្ធពិធីខួបកំណើតកាលពីដើមសប្ដាហ៍៕
ប្រភព៖ Dailymail ប្រែសម្រួល៖ ហេង សុធារិទ្ធិ
Via :news.sabay