David Beckham បង្ហើបថានឹងខកខានមើលប្រកួត Champions League ដ៏ធំរវាង Real Madrid នឹង Paris Saint Germain ព្រោះតែលោកយកប្រពន្ធធំជាងការមើលបាល់ទាត់។
មូលហេតុរបស់អតីតតារាឆ្នើមវ័យ ៤២ឆ្នាំមិនសូវខុសពីមនុស្សទូទៅប៉ុន្មានទេ ព្រោះរូបគេត្រូវកំដរនាង Victoria នៅថ្ងៃបុណ្យនៃក្ដីស្រឡាញ់ ចំថ្ងៃតែមួយនឹងការប្រកួត។ Beckham សារភាពថាប្រពន្ធខ្លួនចង់មានពេលវេលារ៉ូមែនទិចតែ២នាក់ជាជាងការទៅមើលបាល់ទាត់ដោយផ្ទាល់។
យ៉ាងណាម្ចាស់អាវលេង៧ដ៏ល្បីល្បាញរបស់ Manchester United ប្រាប់ beIN Sports ថា រូបគេគ្រោងទៅមើលប្រកួតជើងទីពីរនៅទឹកដីបារាំង ថ្ងៃទី៧ ខែក្រោយជំនួសវិញ។ Beckham ធ្លាប់លេងឲ្យក្លឹបទាំងពីរដូចគ្នា គឺ ៤ឆ្នាំជាមួយ Real Madrid និង៥ខែជាមួយ PSG មុនប្រកាសចូលនិវត្តន៍ពីបាល់ទាត់ទាំងទឹកភ្នែកក្នុងឆ្នាំ២០១៣៕
ប្រភព៖ ESPN FC ប្រែសម្រួល៖ វីរ័ត្ន
Via :news.sabay