ក្រុងប៉ារីស: Angel Di Maria រកបាន៣គ្រាប់ ខណៈដែលក្រុមម្ចាស់ការពារតំណែងជើងឯក Paris Saint-Germainបានផ្តួលក្រុមស្ថិតក្នុងក្របខ័ណ្ឌលំដាប់ទី២គឺ Sochaux ក្នុងលទ្ធផល ៤-១ ដើម្បីឈានទៅប្រកួតពាន French Cup វគ្គ៨ក្រុមចុងក្រោយ ស្របពេលក្រុម Marseille បានផ្តួលក្រុមស្ថិតក្នុងក្របខ័ណ្ឌ Ligue 2 មួយទៀតគឺ Bourg-en-Bresse ក្នុងលទ្ធផល ៩-០។
ខ្សែបម្រើស្លាបអន្តរជាតិអាហ្សង់ទីនរូបនេះ បានតែតបាល់ដើម្បីជួយឲ្យក្រុម PSG ដែលលេងដោយគ្មានតារាឆ្នើម Neymar មានគ្រាប់បាល់នាំមុខមុន នៅនាទី ទី១នាកីឡដ្ឋាន Stade Bonal ភាគខាងកើតប្រទេសបារាំង ប៉ុន្តែ អតីតម្ចាស់ជើងឯក២សម័យកាល Sochaux បានតាមស្មើវិញតាមរយៈកីឡាករ Florian Martin នៅមុនពេលឈានដល់នាទី ទី១៥។
ខ្សែប្រយុទ្ធ Edinson Cavani បានរក្សាការនាំមុខរបស់ក្រុម Unai Emery នៅនាទី ទីៅ២៧ នៅមុនពេល Di Maria បានបំពេញគ្រាប់បាល់ទី២ និងទី ៣ របស់គេនៅមុនពេលឈានដល់ទីនាទី ទី៦០ ដើម្បីជួយឲ្យក្រុម PSG ឈានទៅវគ្គ៨ក្រុមចុងក្រោយតែម្តង។
លោក Emery ដែលក្រុមរបស់លោកនឹងធ្វើដំណើរទៅជួបក្រុម Real Madrid នៅសប្តា៍ក្រោយ សម្រាប់ការប្រកួតជើងទី១នៃក្របខ័ណ្ឌ Champions League វគ្គ ១៦ ក្រុមចុងក្រោយនោះ បានឲ្យដឹងថា៖ «គោលបំណងនៅថ្ងៃនេះ គឺការឈានឲ្យផុតវគ្គនេះនៃពាន French Cup ដោយគ្មានបញ្ហារបួស»៕ IS
Via :postkhmer