Schalke 04 1-0 Wolfsburg
បាល់ទាត់៖ ក្រុមដែលកំពុងឈរលេខ5 នៅលីហ្គកំពូលអាល្លឺម៉ង់ Schalke 04 បានរំកិលខ្លួនទៅវគ្គ 1/2 ផ្ដាច់ព្រ័ត្រ បន្ទាប់ពីឈ្នះ Wolfsburg 1-0 ក្នុងវគ្គ 8ក្រុមចុងក្រោយយប់មិញនេះ។
Schalke 04 1-0 Wolfsburg
គ្រាប់ចូលទីក្នុងវគ្គទីមួយនាទីទី10 របស់កីឡាករ Guido Burgstaller នាំមុខក្រុមភ្ញៀវ Wolfsburg 1-0 និងជាគ្រាប់ជ័យជំនះផងដែរ ដោយសារនាទីនៅសល់មិនមានការស៊ុតបញ្ចូលទីគ្នានោះ ដែលធ្វើឲ្យក្រុមជើងឯក DFB Pokal 5ជំនាន់មួយនេះបន្តក្តីសង្ឃឹមទៅវគ្គពាក់កណ្ដាលផ្ដាច់ព្រ័ត្រ ក្នុងការស្វែងរកជើងឯកលើកទី6 របស់ខ្លួន។ មួយគូទៀតកាលពីយប់មិញ Eintract Frankfurt ក៏បានទៅវគ្គបន្តដែរ បន្ទាប់ពីបានឈ្នះ Mainz 05 3-0 មិនលំបាក។ ការប្រកួតវគ្គទីមួយម្ចាស់ផ្ទះរកបានមួយគ្រាប់មុនពី Ante Rebic នាទីទី17។
Eintract Frankfurt 3-0 Mainz 05
ចូលដល់វគ្គទីពីរកីឡាករ Mainz 05 ហាក់ដូចជារន្ធត់ និងការប្រកួតនេះដោយបានបង្កកំហុសពី Alexander Hack ធ្វើឲ្យបាល់ចូលទីខ្លួនឯងនាទីទី53 ហើយនាទីទី62 Omar Mascarell ជាអ្នកស៊ុតគ្រាប់ជ័យជំនះឲ្យក្រុម Frankfurt ក្នុងការបោះជំហានទៅវគ្គ 4ក្រុមចុងក្រោយ។ ការចាប់ឆ្នោតវគ្គពាក់កណ្ដាលផ្ដាច់ព្រ័ត្រនឹងធ្វើនៅថ្ងៃទី11 ខែកុម្ភៈខាងមុខនេះ ហើយនឹងប្រកួតនៅថ្ងៃទី17 និង 18 ខែមេសា និងវគ្គផ្ដាច់ព្រ័ត្រនៅថ្ងៃទី19 ឧសភា 2018៕
អត្ថបទ៖ ឈិត រតនា
Via :bayontv