លោក Arsene Wenger ដែលជាអ្នកចាត់ការក្រុម Arsenal បានលើកឡើងថា កីឡាករអង់គ្លេសប្រហែលជា មនុស្សពូកែធ្វើពុតដួលលើទីលានខ្លាំងជាងគេហើយ។
ការនិយាយបែបនេះដោយសារកាលពីសប្ដាហ៍មុន Dele Alli របស់ Spurs ទទួលបានកាតលឿងមួយ ក្រោយធ្វើពុតដួល ពេលក្រុមខ្លួនស្មើ Liverpool ២-២។ ក្នុងការប្រកួតដដែល Harry Kane បានធ្វើពុតដួលបានសម្រេចបានបាល់ប៉េណាល់ទីមួយគ្រាប់ ពេលប៉ះទង្គិចជាមួយខ្សែការពារ Virgil van Dijk។
“ខ្ញុំចាំបានថា នៅអង់គ្លេសពីមុនករណីដែលតែងធ្វើដេកដួលរមួលបែបនេះ គឺកីឡាករបរទេសជាអ្នកប្រព្រឹត្តិ។ ប៉ុន្តែកីឡាករអង់គ្លេសពេលនេះរៀនពីទម្លាក់អាក្រក់នេះលឿនមែនទែន ហើយប្រហែលជាអ្នកជំនាញជាងគេហើយពេលនេះ”។ សម្ដីលោក Wenger។
អ្នកចាត់ការសញ្ជាតិបារាំងមានភារកិច្ចត្រូវដឹកនាំកាំភ្លើងធំ ទៅជួប Spurs ក្នុង Premier League នាកីឡដ្ឋាន Wembley នៅថ្ងៃសៅរ៍នេះ ហើយបានសន្យាថា លោកនឹងមិនឲ្យកីឡាករខ្លួនធ្វើពុតដួលនោះទេ៕
ប្រភព៖ BBC ប្រែសម្រួល៖ ហេង សុធារិទ្ធិ
Via news.sabay
