បាល់ទាត់៖ មិនដល់បួនខែទៀតទេ ព្រឹត្តិការណ៍បាល់ទាត់ពិភពលោកដែលរុស្ស៊ី ធ្វើជាម្ចាស់ផ្ទះនឹងចាប់ផ្ដើមការប្រកួតហើយ ក្នុងនោះលោក Alexei Sorokin នាយកប្រតិបត្តិ និងជាប្រធានគណៈកម្មការរៀបចំកម្មវិធីក្នុងស្រុកបានសន្យាថា នឹងរៀបចំព្រឹត្តិការណ៍នេះឲ្យបានល្អបំផុត ហើយលោកបានអះអាងបន្ថែមថា គ្រប់យ៉ាងនឹងរៀបរយពីរទៅបីសប្ដាហ៍មុនការប្រកួតចាប់ផ្ដើម។
ការថ្លែងបែបនេះបានធ្វើឡើងនៅក្រុងសូជី ក្នុងកិច្ចប្រជុំពេញអង្គនៃគ្រូបង្វឹកទាំង ៣២ក្រុម និងគណៈកម្មការរៀបចំការប្រកួត។ រុស្ស៊ីទទួលបានសិទ្ធិធ្វើជាម្ចាស់ផ្ទះ រៀបចំព្រឹត្តិការណ៍បួនឆ្នាំម្ដងមួយនេះពីថ្ងៃទី១៤ មិថុនា ដល់ថ្ងៃទី១៥ កក្កដា ដែលមានកីឡដ្ឋានចំនួន១២ ស្ថិតនៅ ១១ទីក្រុងផ្សេងគ្នាដូចជា Moscow, St Petersburg, Kazan និង Sochi ជាដើម ដោយកីឡដ្ឋានមួយចំនួនតូចកំពុងស្ថិតក្នុងការសាងសង់។ គួរបញ្ជាក់ដែរថា អំឡុងព្រឹត្តិការណ៍បាល់ទាត់ World Cup ២០១៨ ស្ថានទូតរុស្ស៊ីនឹងជួយសម្រួលទិដ្ឋាការ និងមធ្យោបាយដឹកជញ្ជូនទៅកាន់កីឡដ្ឋាន ប្រសិនបើប្រជាជនកម្ពុជាចង់ទៅទស្សនាបាល់ទាត់ពិភពលោកនៅរុស្ស៊ី៕
Via :bayontv
មិនដល់បួនខែទៀតទេ អ្នករៀបចំព្រឹត្តិការណ៍ World Cup ២០១៨ នៅរុស្ស៊ីសន្យាថានឹងធ្វើឲ្យបានល្អបំផុតក្នុងនាមជាម្ចាស់ផ្ទះ
អត្ថបទទាក់ទង