បាល់ទាត់៖ Real Madrid ឈ្នះ 5ប្រកួតជាប់គ្នាមកហើយស្វែងរកជ័យជំនះ 6ប្រកួតផ្ទួនៗយប់ម៉ិញ។ ធ្វើដំណើរទៅផ្ទះ Espanyol យប់ម៉ិញគ្រូបង្វឹក Real Madrid ទុកអោយ Cristiano Ronaldo សម្រាក ខណៈអ្វីៗមិនគាប់ប្រសើរឡើយ។
ម្ចាស់ផ្ទះ Espanyol លេងហាក់មិនញញើតក្រុមជើងឯក La Liga មួយនេះឡើយ ពោលគឺលេងមិនទប់តែមានឱកាសបង្កការលំបាកដល់ខ្សែការពារ និងអ្នកចាំទី Real Madrid។ ការខិតខំប្រឹងប្រែងរបស់ពួកគេសំរេច បានហៀបនឹងចប់ការប្រកួតទៅហើយក្នុងម៉ោងបន្ថែមបង្គ្រប់នាទីទី90+2 ទៅហើយ Gerard Moreno ស៊ុតកាប់ចានមួយជើងស្ដាំចូលទី ដែលជាគ្រាប់ជ័យជំនះសំរាប់ Espanyol តែម្តង។
នេះជាជ័យជំនះលើកដំបូងសំរាប់ Espanyol ក្នុងរយៈពេល 11ឆ្នាំ ពោលគឺ 22ប្រកួតមកហើយ Espanyol មិនដែលឈ្នះ Real Madrid ឡើយ។ ក្រុមការពារជើងឯក Real Madrid នៅពេលនេះមាន 14ពិន្ទុតាមពីក្រោយក្រុមកំពូលតារាង Barcelona ខណៈដែលក្រុមរបស់លោក Ernesto Valverde នឹងត្រូវទៅផ្ទះ Las Palmas យប់នេះ៕
Via :bayontv
មួយគ្រាប់នៅម៉ោងបន្ថែមបង្គ្រប់របស់ Gerard Moreno ជួយ Espanyol ឈ្នះ Real Madrid លើកដំបូងរយៈពេលជាង 10ឆ្នាំ
អត្ថបទទាក់ទង
