តេន្នីស៖ កីឡាករវាយកូនបាល់ស្វ៊ីស Roger Federer បានទទួលពានកិត្តិយស Laureus Awards នៅទីក្រុង Monte Carlo យប់ថ្ងៃអង្គារម្សិលម៉ិញនេះ។ កីឡាករលំដាប់លេខ១ ពិភពលោករូបនេះ ទទួលបានពានអត្តពលិកផ្នែកបុរសឆ្នើមបំផុតប្រចាំឆ្នាំ Sportsman of the Year បន្ទាប់ពីឈ្នះពាន Australian Open លើកទី5 និង Wimbledon លើកទី8 ក្នុងអាជីពនៅឆ្នាំ2017 កន្លងទៅក្លាយជាបុរសទី២ ក្នុងប្រវត្តិសាស្ត្រដែលឈ្នះពាន Wimbledon ដោយមិនចាញ់សូម្បីមួយសិត។
Federer ថែមទាំងឈ្នះពានកិត្តិយសមួយទៀត Comeback of the Year បន្ទាប់ពីសម្រាកព្យាបាលជង្គង់ពាក់កណ្ដាលឆ្នាំ2016 វិលមកវិញដើមឆ្នាំ2017 ឈ្នះពាន Grand Slam, Australian Open។ ចំណែកកីឡាការិនីអាមេរិក Serena Williams ទទួលបានពានអត្តពលិកផ្នែកនារីឆ្នើមបំផុតប្រចាំឆ្នាំ Sportswoman of the Year បន្ទាប់ពីឈ្នះពាន Australian Open ដែលជាពាន Grand Slam លើកទី23។ ក្រុមប្រណាំង F1 ជើងឯកពិភពលោក Mercedes ទទួលបានពានក្រុមឆ្នើមបំផុតប្រចាំឆ្នាំ Team of the Year។ Laureus World Sports Awards គឺជាកម្មវិធីប្រគល់ពានកិត្តិយសប្រចាំឆ្នាំ ដល់កីឡាករកីឡាការនីឆ្នើមប្រចាំឆ្នាំនីមួយៗ។ កម្មវិធីនេះត្រូវបានបង្កើតឡើងដំបូងនៅឆ្នាំ១៩៩៩ ដោយមានការឧបត្ថម្ភដោយក្រុម Mercedes-Benz និង IWC Schaffhausen៕
Via :bayontv
Roger Federer ឈ្នះពានកិត្តិយស Laureus Awards
អត្ថបទទាក់ទង