អតីតប្រធានក្លឹប Barcelona លោក Joan Laporta ជឿជាក់ថា Arsenal គួរតែផ្ដល់ឱកាសដល់ Thierry Henry តែងតាំងជាអ្នកចាត់ការ ដូចកាល Barca ធ្វើជាមួយ Pep Guardiola។
Guardiola បានប្រែក្លាយខ្លួនជាអ្នកចាត់ការល្អជាងគេលើលោក ក្រោយជោគជ័យក្នុងអាជីពបាល់ទាត់ពេលលេងនៅ Nou Camp ហើយ Henry ក៏មានជំហានស្រដៀងនេះដូចគ្នា។ Laporta ដែលធ្វើជាប្រធានក្លឹប Barca រយៈពេល៧ឆ្នាំ ២០០៣-២០១០ មើលឃើញភាពស្រដៀងគ្នាជាច្រើនរវាង Guardiola និង Henry និងជឿថាបុរសសញ្ជាតិបារាំងនេះគួរតែអាចជំនួសតំណែង Arsene Wenger នៅ Arsenal។
Laporta បន្តថា Pep Guardiola មានលក្ខណៈសម្បត្តិពិសេសច្រើន ពេលដែលសម្រេចជ្រើសរើសគេធ្វើជាគ្រូធំ ហើយ Henry ក៏មានលក្ខណៈសម្បត្តិទាំងនោះដូចគ្នា។ លោកដឹងថា Henry ស្រឡាញ់ Arsenal និងជាបុរសដែលយកចិត្តទុកដាក់នឹងការងារ មានទំនួលខុសត្រូវខ្ពស់។
Thierry Henry បានចំណាយពេល៨ឆ្នាំនៅកាំភ្លើងធំ រកបាន២២៦គ្រាប់ ក្នុងការបង្ហាញខ្លួន៣៦៩ប្រកួត មុនពេលចាកចេញទៅ Barceloan នៅឆ្នាំ២០០៧
Via : cambosport