Mario Balotelli សម្លឹងការវិលទៅកាន់ Premier League វិញក្រោយកំពុងឡើងជើងខ្លាំងនៅលីគបារាំង។
ខ្សែប្រយុទ្ធសញ្ជាតិអ៊ីតាលីស៊ុតបាន២០គ្រាប់ហើយឲ្យក្រុម Nice រដូវកាលនេះ តែអាចចាកចេញពីក្របខ័ណ្ឌ French Ligue 1 ទៅ Premier League ឬ Serie A វិញដោយគ្មានតម្លៃខ្លួននៅរដូវកាលក្រោយព្រោះផុតកុងត្រា។
លោក Mino Raiola ជាភ្នាក់ងារផ្ទាល់កំពុងចរចាជាមួយក្រុមមួយចំនួននៅអង់គ្លេស និងអ៊ីតាលីដែលចង់បានតារាស្បែកខ្មៅវ័យ២៧ឆ្នាំ។ “Mario ត្រៀមខ្លួនរួចហើយដើម្បីត្រឡប់ទៅវិញព្រោះគេខ្សែប្រយុទ្ធកំពូលម្នាក់ក្នុងចំណោម១០នាក់លើលោក។
បុរសដែលជាភ្នាក់ងារ Zlatan និង Pogba ដែរនោះបាននិយាយថា Balotelli គឺជាខ្សែប្រយុទ្ធលេខមួយនៅអ៊ីតាលី ទោះជាពេលនេះគ្មានតម្លៃខ្លួនតែបើលក់វិញអាចថ្លៃខ្ទង់១០០លានអឺរ៉ូ៕
ប្រភពពី: Sabay