Jurgen Klopp អ្នកចាត់ការក្រុម Liverpool បាននិយាយថាការលក់ Coutinho ទៅឱ្យ Barcelona កាន់តែធ្វើឱ្យសមាជិកក្រុមលេងល្អ ខ្លាំងជាងមុនទៅទៀត។
Liverpool បានសម្រេចលក់ខ្សែបម្រើប្រយុទ្ធរបស់ខ្លួនខាងលើទៅឱ្យក្រុមអ្នកមាន Barca កាលពីខែមករាកន្លងទៅនេះ។ ក្រោយពីការចាកចេញរបស់កីឡាករប្រេស៊ីលម្នាក់នេះ ក្រុមហង្សក្រហមបែរជាមានទម្រង់លេងស៊ីចង្វាក់គ្នាទៅវិញ និងតែងតែទទួលបានលទ្ធផលក្នុងការប្រកួតថែមទៀតផង។
មើលឃើញដូច្នេះលោក Klopp បាននិយាយថាការលក់សមាជិកម្នាក់មិនមែនមានន័យថាអាក្រក់ទាំងអស់នោះទេ។ ថ្ងៃណាមួយអ្នកនឹងដឹងពីមូលហេតុពិតប្រាកដនៃការលក់កីឡាករ ហើយដូចជាពេលនេះជាដើម ក្រុមទាំងមូលកំពុងលេងល្អ ហើយគ្មាននរណាម្នាក់អាចស្មានដឹងពីក្លឹបហង្សក្រហមនោះទេ។
Liverpool កំពុងធ្វើបានល្អនៅលីគអង់គ្លេស និងពានរង្វាន់ UEFA Champions League ។ ដោយនៅ Premier League ពួកគេកំពុងតែឈរនៅចំណាត់ថ្នាក់លេខ៣ក្នុងតារាង មាន៥៧ពិន្ទុ ពីក្រោមក្រុមលេខ២ Manchester United មាន៥៩ពិន្ទុ៕
Via :news.sabay
