បាល់ទាត់៖ ក្តីសង្ឃឹមបង្ហាញខ្លួននៅ World Cup អោយក្រុមជម្រើសជាតិប្រេស៊ីលរបស់ Neymar អាចនឹងត្រូវរលាយសាបសូន្យ ខណៈដែលរបួសត្រូវសម្រាកដល់ទៅ 3ខែ។
កីឡាករវ័យ 26ឆ្នាំដែលក្លាយជាកីឡាករបាល់ទាត់ ដែលមានតម្លៃថ្លៃបំផុតលើលោករូបនេះ នឹងត្រូវវះកាត់របួស កជើងរបស់ខ្លួនសប្ដាហ៍នេះ ហើយត្រូវសម្រាកដល់ទៅ 3ខែ នេះបើតាមការអោយដឹងពីគ្រូពេទ្យប្រេស៊ីល Rodrigo Lasmar។ របួសនេះនឹងធ្វើអោយ Neymar អវត្តមានពីការប្រកួតមិត្តភាពក្នុងខែនេះ ដែលប្រេស៊ីលនឹងត្រូវជួបជាមួយក្រុមម្ចាស់ផ្ទះ World Cup 2018 រុស្ស៊ី និងក្រុមការពារជើងឯកអាល្លឺម៉ង់។ យ៉ាងណាក៏ដោយគ្រូពេទ្យដដែលបានអោយដឹងទៀតថា អ្វីៗត្រូវរង់ចាំមើលអាការៈរបស់ Neymar ក្រោយការវះកាត់សិន។ បញ្ហានោះគឺថា តើខ្សែប្រយុទ្ធ PSG រូបនេះមានកាយសម្បទារឹងមាំកំរិតក្រោយ 3ខែនេះ ហើយគេនឹងអាចបង្ហាញខ្លួនអោយក្រុមប្រេស៊ីលនៅ World Cup រឺយ៉ាងណាត្រូវរង់ចាំតាមដានសិន។
ជើងឯកពិភពលោកប្រាំសម័យប្រេស៊ីលនឹងត្រូវលេងប្រកួតដំបូងនៅ World Cup ដោយជួបជាមួយស្វ៊ីសនៅថ្ងៃទី17 ខែមិថុនា វគ្គវិលជុំក្នុងពូល មុនពេលជួបជាមួយកូស្តារីកា និងស៊ែប។ កីឡាករវ័យ 26ឆ្នាំរូបនេះបានប៉ះទង្គិចជាមួយខ្សែបម្រើ Marseille កីឡាករ Bouna Sarr នៅនាទី៧៦ ពេលព្យាយាមដណ្ដើមតែអស់ជំហរក៏គ្រេចក៏ជើងខ្លួនឯង។ ក្រោយគ្រូពេទ្យពិនិត្យហើយក៏សែងចេញ ព្រោះអាការៈធ្ងន់មិនអាចលេងបានទៀត ស្របពេលដែល PSG ត្រូវលេងគ្នាតែ 10នាក់ដោយសារដូរកីឡាករអស់បីនាក់ទៅហើយ៕
ក្តីសង្ឃឹមនៅ World Cup របស់ Neymar អាចនឹងរលាយ ខណៈរបួសត្រូវសម្រាកដល់ 3ខែ
អត្ថបទទាក់ទង