លោក Antonio Conte អ្នកចាត់ការទូទៅរបស់ក្រុម Chelsea បានទទួលស្គាល់ថា ក្រុមរបស់លោកពិតជាគ្មានភាពខ្លាំងឡើយនៅពេលប្រកួតជាមួយនឹងក្រុមខ្លាំង Manchester City ដែលបានបន្ថែមការនាំមុខរបស់ពួកគេដល់ទោ១៨ពិន្ទុជាបណ្តោះអាសន្ននៅលើតារាងក្របខ័ណ្ឌ Premier League ក្រោយពីទទួលបានជ័យជម្នះ ១-០ កាលពីថ្ងៃសៅរ៍។
ខ្សែបម្រើដ៏មានឥទ្ធិពល Bernardo Silva បានស៊ុតបាល់បញ្ចូលទីតែ១គ្រាប់ក្នុងការប្រកួតនោះ ក្រោយពីចូលលេងបានត្រឹមតែ៣៥វិនាទីក្នុងតង់ទី១ នាកីឡដ្ឋាន Etihad នៅពេលដែលរូបគេបានស៊ុតបាល់បំប៉ោងសំណាញ់ទី បន្ទាប់ពីការបញ្ជូនបាល់ដ៏ល្អរបស់ David Silva។
ការរងបរាជ័យជាលើកទី៤របស់ក្រុម Chelsea ក្នុងចំណោមការប្រកួតក្របខ័ណ្ឌលីក៥លើកចុងក្រោយរបស់ពួកគេបានធ្វើឲ្យក្រុមម្ចាស់ជើងឯករបស់លោក Conte ដេញតាមពីក្រោយក្រុមស្ថិតក្នុងចំណាត់ថ្នាក់លេខ៤ដល់ទៅ៥ពិន្ទុ។ ការរៀបចំក្រុមរបស់លោកគ្រូបង្វឹកសញ្ជាតិអ៊ីតាលីរូបនេះ ក៏ស្ថិតក្នុងការរិះគន់ផងដែរ ក្រោយពីក្រុមរបស់លោកមិនអាចស៊ុតបាល់សំដៅទីឲ្យបានសូម្បីតែ១លើក បន្ទាប់ពីលោកបានជ្រើសរើសដាក់ខ្សែប្រយុទ្ធ Alvaro Morata និង Olivier Giroud ឲ្យលេងជាកីឡាករបម្រុង។
លោក Conte បានឲ្យដឹងថា៖ «នៅថ្ងៃនេះ ពួកគេបានបង្ហាញពីភាពផ្សេងគ្នារវាងពួកគេ និងយើងនៅពេលនេះ។ ការនាំមុខ២៥ពិន្ទុគឺជាគម្លាតដ៏ឆ្ងាយមួយ ហើយខ្ញុំគិតថា យើងអាចនឹងមានការសោកស្តាយសម្រាប់ការប្រកួតផ្សេង ប៉ុន្តែ មិនមែនជាការប្រកួតនេះឡើយ»៕
លោក Antonio Conte អ្នកចាត់ការទូទៅរបស់ក្រុម Chelsea បានទទួលស្គាល់ថា Man City ពិតជាខ្លាំង
អត្ថបទទាក់ទង