បាល់ទាត់៖ ប៉ូលីសសរុប 1300នាក់បូករួមទាំងប៉ូលីសបង្ក្រាបបាតុកម្ម 300នាក់ត្រូវបានដាក់ពង្រាយអោយការពារ អំឡុងការប្រកួតក្របខណ្ឌ UEFA Europa League វគ្គ 16ក្រុមចុងក្រោយយប់ម៉ិញរវាងម្ចាស់ផ្ទះអេស្ប៉ាញ Atletico Madrid ទទួលភ្ញៀវរុស្ស៊ី Lokomotiv Moscow។
សន្តិសុខត្រូវបានរឹតបន្តឹងខ្ពស់ បន្ទាប់ពីមានការបង្កចលាចលរវាងអ្នកគាំទ្រ Athletic Bilbao ប៉ះជាមួយអ្នកគាំទ្រ Spartak Moscow ដោយនៅពេលនោះមន្ត្រីប៉ូលីសម្នាក់បានបាត់បង់ជីវិត។ អ្នកគាំទ្ររុស្ស៊ីប្រមាណ 500នាក់ត្រូវបានគេដឹងថា មកដល់ទឹកដីអេស្ប៉ាញទស្សនាការប្រកួតរវាង Atletico Madrid និង Lokomotiv Moscow យប់ម៉ិញ ហើយក្នុងនោះដែរអាជ្ញាធរមានសមត្ថកិច្ ចក៏អាចកំណត់អត្តសញ្ញាណអ្នកគាំទ្រទាំងនោះបានដែរ ពោលគឺមួយចំនួនធ្លាប់មានប្រវត្តិបង្កហិង្សា និងចលាចល។
អ្នកគាំទ្រម្នាក់ៗត្រូវបានឆែកឆេរយ៉ាងតឹងរ៉ឹង មុននឹងដើរចូលកីឡដ្ឋាន Wanda Metropolitano ខណៈដែលការ ប្រកួតបញ្ចប់ទៅដោយម្ចាស់ផ្ទះ Atletico Madrid យកឈ្នះ Lokomotiv Moscow 3-0 ដោយគ្រាប់បាល់របស់ Saul Niguez, Diego Costa និង Koke៕
ប្រភពពី: Bayon
ប៉ូលីស 1300នាក់ត្រូវបានដាក់ឲ្យការពារការប្រកួតរវាង Atletico Madrid និង Lokomotic Moscow
អត្ថបទទាក់ទង