បាល់ទាត់៖ លោក Graham Arnold នឹងជាគ្រូបង្វឹកក្រុមជម្រើសជាតិអូស្ត្រាលីបន្តពីលោក Bert van Marwijk ក្រោយចប់ World Cup 2018 រុស្ស៊ី នេះបើតាមសេចក្ដីប្រកាសរបស់សហព័ន្ធបាល់ទាត់អូស្ត្រាលីថ្ងៃព្រហស្បតិ៍ម្សិលម៉ិញ។
មិនមែនជាលើកដំបូងឡើយដែលលោក Graham Arnold មកដឹកនាំក្រុមអូស្ត្រាលី ពោលគឺគ្រូបង្វឹករបស់ក្រុម Sydney FC រូបនេះក៏ធ្លាប់ដឹកនាំបែបនេះដែរ មួយឆ្នាំបន្ទាប់ពីលោក Guus Hiddink លាលែងពីតំណែងក្រោយចប់ World Cup 2006 នៅអាល្លឺម៉ង់។ លោក Graham Arnold កំពុងដឹកនាំក្រុម Sydney FC ស្វែងរកពាន A-League ពីររដូវកាលជាប់គ្នា ខណៈដែលបុរសវ័យ 54ឆ្នាំរូបនេះ ក៏នឹងជាក្តីរំពឹងរបស់អ្នកគាំទ្របាល់ទាត់អូស្ត្រាលីក្នុងស្វែងរកកៅអីនៅ World Cup ប្រាំលើកជាប់គ្នានៅ World Cup 2022 ប្រទេសកាតា។
យ៉ាងណាក៏ដោយលោក Graham Arnold ក៏ធ្លាប់បរាជ័យ ក្នុងការដឹកនាំក្រុមអូស្ត្រាលីផងដែរកាលពីអតីតកាល ពោលគឺអូស្ត្រាលីធ្លាក់ត្រឹមវគ្គ 8ក្រុមចុងក្រោយ AFC Asian Cup 2007៕
By: Bayon
លោក Graham Arnold នឹងដឹកនាំអូស្ត្រាលីបន្តពីលោក Bert ban Marwijk ក្រោយ World Cup 2018
អត្ថបទទាក់ទង