Peter Cech បានឈានដល់ការបង្កើតកំនត់ត្រាមួយបន្ទាប់ពីធ្វើបាន Cleansheets (ការពារមិនអោយមានស៊ុតបញ្ចូលទីបានពេញ ១ប្រកួត) លើកទី២០០ នៅក្របខណ្ឌកំពូលអង់គ្លេស ក្រោយពីជំនួបជួយអោយ Arsenal ផ្តួល Watford ក្នុងលទ្ធផល ៣:0 កាលពីថ្ងៃអាទិត្យ។
Cech បានជួយសង្គ្រោះបាល់ពិន័យដ៏ល្អអពីការស៊ុតរបស់ខ្សែប្រយុទ្ធ Troy Deeney ដើម្បីឈាន ដល់កំនត់ត្រាដ៏ល្អមួយនេះ។ ការជួយសង្គ្រោះបាល់នេះគឺជាលើកទី១ ហើយគិតចាប់តាំងពីឆ្នាំ២០១១ ដែលអ្នកចាំទីក្រុមជម្រើសជាតិឆេកធ្លាប់ធ្វើបានអោយក្រុម Chelsea ទល់នឹងក្រុមដែលខ្លួនកំពុងលេងអោយគឺ Arsenal នេះតែម្តង។
កំលុងចំណាយពេល ១១ឆ្នាំនៅកីឡាដ្ឋាន Stamford Bridge អតីតអ្នកចាំទីក្រុម Renne រូបនេះ ធ្លាប់ធ្វើបាន Cleansheet ចំនួន ១៦២ដង ក្នុងចំនោមការប្រកួត ៣៣២ដង និងបានវ៉ាដាច់អតីតអ្នកចាំទីអង់គ្លេសរបស់ក្រុម Man.City និង Liverpool កីឡាករ David James ដែលធ្វើបាន១៦៩ Cleansheets នាពេលកន្លងមកនៅក្របខណ្ឌ Premier league។
អ្នកចាំទី Peter Cech របស់ក្រុម Arsenal បង្កើតកំនត់ត្រា Cleansheets លើកទី២០០
អត្ថបទទាក់ទង
