ខ្សែការពារ Vincent Kompany របស់ក្រុម Man.City បានបង្ហើបប្រាប់ពីការផ្តល់គំនិតរបស់ គ្រូបង្វឹកលោក Pep Guardiola កំលុងពេលប្រកួតផ្តួលក្រុម Stoke City កាលពីយប់ថ្ងៃច័ន្ទនា កីឡាដ្ឋាន Bet365 Stadium ក្នុងនាមជាភ្ញៀវទៅសួរសុខទុក្ខក្រុមម្ចាស់ផ្ទះនាសប្តាហ៏ទី៣០។ ប្រធានក្លឹបមេឃខៀវសញ្ជាតិបែលហ្សិករូបនេះ បានប្រាប់ Sky Sport ថាៈ លោក Guardiola ប្រាប់ខ្ញុំកំលុងពេលប្រកួតនាតង់ទី១ អោយប្រុងប្រយ័ត្នបំផុតជាមួយខ្សែប្រយុទ្ធកំពស់ខ្ពស់គឺ Peter Crouch គាត់គឺជាកីឡាករដែលមានបទពិសោធន៏ច្រើនបំផុតនៅក្របខណ្ឌកំពូលអង់គ្លេសនេះ ហើយខ្ញុំក៏បានក្រើនរំលឹកដល់មិត្តរួមក្រុមផ្សេងទៀតផងដែរ។
Peter Crouch អតីតខ្សែប្រយុទ្ធ Liverpool, Tottenham, Portsmouth, និងក្រុមជម្រើសជាតិអង់គ្លេស គឺជាកីឡាករទី២ ដែលបានប្តូរចូលក្នុងការប្រកួតនោះ មិនមានឪកាសរកគ្រាប់បាល់បញ្ជូលទីនោះទេ ខណៈក្រុមភ្ញៀវមានឪកាសស៊ុតបាល់បញ្ចូលទី ២គ្រាប់តែម្នាក់ឯង នៅនាទីទី១០ និង ៥០ ដោយខ្សែបម្រើអេស្បាញ David Silva ដើម្បីយកជ័យជំនះលើកទី២៦ នៅក្របខណ្ឌកំពូល Premier League។
ក្រុម Man.City ស្ថិតយ៉ាងប្រកៀកក្នុងការលើកពាន Premier League ជាលើកទី៣ ក្នុងប្រវត្តិសាស្រ្តរបស់ខ្លួន ក្រោយផ្តួលក្រុម Stoke City ខណៈក្រុមកំពុងមានជំនឿចិត្តត្រៀមប្រកួត ជាមួយក្រុមចំណាត់ថ្នាក់លេខ២ ដែលស្ទើរតែអស់ឪកាសប្រជែងតំណែងជើងឯកគឺ Man.United នៅក្នុងខែនេះ ខណៈគម្លាតរវាងក្រុមទាំងពីរគឺ ១៦ពិន្ទុឯណោះ។
ប្រភព៖ Metro
ខ្សែការពារ Kompany របស់ក្រុម Man.City ប្រាប់ពាក្យសម្តីលោក Pep កំលុងពេលប្រកួតជាមួយ Stoke City
អត្ថបទទាក់ទង
